Baş xakim Baxtiyar Camalov bügen xökem qararın uqıdı häm ğäyeplilär dini radikallar , Ändijan vaqiğäläre çittä planalanğan häm annan finansiälängän , maqsät Färgana Üzänendä Xalifat tözü ide dip belderde.
"Akramiä isemle radikal dini oyışmanıñ aktiv ağaları bularaq , alar Üzbäkistandağı konstitutsion tärtipne cimerep , İslam dävläte, xalifät tözüne maqsät itep quydılar , monıñ öçen qorallı cinayätçel törkem oyıştırdılar häm citdi cinayätlär eşlädelär."
Xakimnıñ süzlärençä, şuşı citdi cinayätlär arasında Akramiädä ağza buluda ğäyeplängän 23 eşquarnı törmädän azat itü, xökümät binaların basıp alu , militsioner, xärbi häm tınıç keşelärneñ hälak buluına kitergän bäreleşlärdä qatnaşu da bar. Bilgesez şartlarda üzläreneñ ğäyeplären iqrar itkän 15 keşe ülemne xaq itkän buluların belderdelär. Baş prokurornıñ urınbasarı Anvar Nabiev isä 15-20 yıl törmä cazasınıñ birelüen genä soradı. Mäxkämä alarnı 14-20 yıl törmä cazalarına xökem itte. Bäysez küzätüçelär häm keşe xoquqların yaqlau oyışmaları, monı kürgäzmä xökem protsesı dip bäyälädelär häm Üzbäk xakimiätlären tınıç möselmannarnı ezärleklävdä ğäyeplädelär. Baş xakim xökem qararın uqığanda, çit il informatsiä çaraların tänqitlärgä onıtmadı.
"Alar bulıp yatqan vaqiğälär turında yazmadılar , ä tormış şartlarınıñ yaxşırtıluın taläp itep Ändijanda protestta qatnaşıp üzlären solıxsöyüçän vatandaşlar dip kürsätergä telägän şäxeslärneñ yalğan informatsiäsen tarattılar. İmeş alarnıñ dini radikallar belän bäyläneşe dä yuq ikän. imeş xökümät ğäskärläre alarğa ut açqan. Monıñ belän dönya cämağätçelegeneñ diqqäten yalğış mäsälägä yünälttelär."
Xökümät may ayındağı bäreleşlärdä 187 keşe hälak buldı dip belderä. Läkin, Keşe xoquqları oyışmaları häm Könbatış xökümätläre qorbannar sanı küberäk bulırğa tieş dip bäyan itälär. Xökem protsesınıñ başlanuı belän bäysez häm könbatış informatsiä çaraları väkillären ezärlekläv dä köçäyde. İmenlek säbäplärennän BBC üzeneñ Taşkennttağı burosın iñ kimendä altı ayğa yaptı . Azatlıq xäbärçeläre dä ezärleklände. Oppozitsiä yaqlı internet söxifösenä 13-nçe Mayda Ändijannan raportlar birgän Aleksey Voloşoviç Taşkentta fatirı yanında höcümgä duçar bulğan. Ändijan vaqiğälären bäysez räveştä tikşerü taläpläre kire qağılıp kilde. Üzbäkistan prezidentı İslam Kärimov ğädättäntış köç qullanıldı digän ğäyeplävlärne kire qaqtı häm xalıqara tikşerülärgä yul quymayaçağın da belderde. Üzbäkistan Yuğarı Mäxkämäse xökem qararın çığarğanda, prezident Karimov Mäskävdä Putin belän oçraşa ide. Mäskäv Ändijan vaqiğälärendä Kärimovnı häm anıñ qatı qul säyäsäten yaqlap kilde. Kärimov ta bügen Mäskävgä kürsätkän yaqluı öçen raxmät belerde .
Färit İdelle, Praga.
"Akramiä isemle radikal dini oyışmanıñ aktiv ağaları bularaq , alar Üzbäkistandağı konstitutsion tärtipne cimerep , İslam dävläte, xalifät tözüne maqsät itep quydılar , monıñ öçen qorallı cinayätçel törkem oyıştırdılar häm citdi cinayätlär eşlädelär."
Xakimnıñ süzlärençä, şuşı citdi cinayätlär arasında Akramiädä ağza buluda ğäyeplängän 23 eşquarnı törmädän azat itü, xökümät binaların basıp alu , militsioner, xärbi häm tınıç keşelärneñ hälak buluına kitergän bäreleşlärdä qatnaşu da bar. Bilgesez şartlarda üzläreneñ ğäyeplären iqrar itkän 15 keşe ülemne xaq itkän buluların belderdelär. Baş prokurornıñ urınbasarı Anvar Nabiev isä 15-20 yıl törmä cazasınıñ birelüen genä soradı. Mäxkämä alarnı 14-20 yıl törmä cazalarına xökem itte. Bäysez küzätüçelär häm keşe xoquqların yaqlau oyışmaları, monı kürgäzmä xökem protsesı dip bäyälädelär häm Üzbäk xakimiätlären tınıç möselmannarnı ezärleklävdä ğäyeplädelär. Baş xakim xökem qararın uqığanda, çit il informatsiä çaraların tänqitlärgä onıtmadı.
"Alar bulıp yatqan vaqiğälär turında yazmadılar , ä tormış şartlarınıñ yaxşırtıluın taläp itep Ändijanda protestta qatnaşıp üzlären solıxsöyüçän vatandaşlar dip kürsätergä telägän şäxeslärneñ yalğan informatsiäsen tarattılar. İmeş alarnıñ dini radikallar belän bäyläneşe dä yuq ikän. imeş xökümät ğäskärläre alarğa ut açqan. Monıñ belän dönya cämağätçelegeneñ diqqäten yalğış mäsälägä yünälttelär."
Xökümät may ayındağı bäreleşlärdä 187 keşe hälak buldı dip belderä. Läkin, Keşe xoquqları oyışmaları häm Könbatış xökümätläre qorbannar sanı küberäk bulırğa tieş dip bäyan itälär. Xökem protsesınıñ başlanuı belän bäysez häm könbatış informatsiä çaraları väkillären ezärlekläv dä köçäyde. İmenlek säbäplärennän BBC üzeneñ Taşkennttağı burosın iñ kimendä altı ayğa yaptı . Azatlıq xäbärçeläre dä ezärleklände. Oppozitsiä yaqlı internet söxifösenä 13-nçe Mayda Ändijannan raportlar birgän Aleksey Voloşoviç Taşkentta fatirı yanında höcümgä duçar bulğan. Ändijan vaqiğälären bäysez räveştä tikşerü taläpläre kire qağılıp kilde. Üzbäkistan prezidentı İslam Kärimov ğädättäntış köç qullanıldı digän ğäyeplävlärne kire qaqtı häm xalıqara tikşerülärgä yul quymayaçağın da belderde. Üzbäkistan Yuğarı Mäxkämäse xökem qararın çığarğanda, prezident Karimov Mäskävdä Putin belän oçraşa ide. Mäskäv Ändijan vaqiğälärendä Kärimovnı häm anıñ qatı qul säyäsäten yaqlap kilde. Kärimov ta bügen Mäskävgä kürsätkän yaqluı öçen raxmät belerde .
Färit İdelle, Praga.