Accessibility links

Кайнар хәбәр

Ändican öçen 15 keşe xökem itelde


Taşkent -- Düşämbedä Üzbäkstannıñ Yuğarı mäxkämäse May ayında Ändicanda fetnä oyıştıruda ğäyeplängän 15 keşegä xökem çığardı. Xökem qararın uqığan baş xäkim Bäxtiär Camolov bu keşelärne İslam xälifälege tözergä telägän dini ekstremistlar dip atadı. "Äkrämiä dini ekstremistik oyışma äğzaları bularaq, alar Üzbäkstan Konstitutsiäsen kire qağıp, İslam däwläte – xälifälek tözü niäte belän qorallı cinäyätçel törkem tözegännär, küp awır cinäyätlär başqarğannar", dide Bäxtiär Camolov. Bu keşelär 14tän alıp 20 yılğa qädär törmägä xökem itelde. Xoquq yaqlaw oyışmaları mäxkämäne tamaşa dip atadı. Alar süzlärençä, şahädätlärneñ kübese bu keşelärdän köç qulanıp alınğan. Räsmilär äytüençä, Ändican waiğalarında 187 keşe häläk bulğan, şul isäptän, xärbilär, civil keşelär, terrorçılar. Xoquq yaqlaw oyışmaları isä, qorbannar sanı küpkä zurraq, alarnıñ kübese – xärbilär ut açu näticäsendä häläk bulğan ğadi keşelär, dip belderä.
XS
SM
MD
LG