Mäskäw -- Soñğı 10 yılda Çeçnädä minada şartlap 700gä yaqın keşe ülgän. 3 meñnän artığı, şul isäptän 600dän artıq bala – yaralanğan. Bu turıda bügen Berläşkän Millätlär Balalar Waqıfınıñ Mäskäwdäge wäkile Carel de Roy xäbär itte. Anıñ süzlärençä, soñğı 2 yılda minada şartlaw oçraqları kimesä dä, bu san – dönyanıñ başqa urınnarı belän çağıştırğanda yuğarı bulıp qala.
Ul arada xoquq yaqlawçılar Dağıstandağı çatır lagerda yäşägän çeçen qaçaqları xälenä borçılu belderä. Memorial oyışması belderüençä, Çeçnäneñ Borozdinovskaya awılınnan kilgän bu qaçaqlar - 100gä yaqın ğailä – su, azıq-tölek, darularğa qıtlıq kiçerä. Bu keşelär cäy köne, awıllarında 11 keşe üterelep, öyläre yandırılğannan soñ qaçıp kitkän ide.
Ul arada xoquq yaqlawçılar Dağıstandağı çatır lagerda yäşägän çeçen qaçaqları xälenä borçılu belderä. Memorial oyışması belderüençä, Çeçnäneñ Borozdinovskaya awılınnan kilgän bu qaçaqlar - 100gä yaqın ğailä – su, azıq-tölek, darularğa qıtlıq kiçerä. Bu keşelär cäy köne, awıllarında 11 keşe üterelep, öyläre yandırılğannan soñ qaçıp kitkän ide.