Accessibility links

Кайнар хәбәр

Tatar ictimaği üzägen binasınnan qualar


Tatar ictimaği üzäge inde ike distä yılğa yaqın respublikanıñ säyäsi mäydanında köräş alıp bara. Tatarstannıñ suverenlığı, tatar xalqınıñ milli yañarışı öçen alıp barğan säyäsi köräşneñ näticäläre küz aldında. Waqıtında mäydannar tutırıp, bäysezlek taläp itkän älege oyışma, üz tarixında törle çorlar kiçerde. Ul, uñ häm sul qanatlarğa ayırılunı da, säyäsi aktivlığı kimegän çornı da, krizisqa batqan waqıtlarnı da häm iñ möhime quyılğan maqsatlarına ireşken çorlarnı da. Boları inde - şul uq, azmı-küpme suverenlıq çorı, tatarnıñ kütäreleşe häm başqalar. Küp kenä säyäsät belgeçläre Tatarstannıñ soñğı yıllarda ireşkän uñışların Tatar ictimaği üzägeneñ köräşe belän turıdan turı bäylilär. Üzäkneñ xäzerge citäkçese Tälğät Bariev, Kamil İsxaqovnıñ Qazan başlığı wazifalarınnan kitüen bolay bäyäli

Ägär ul keşe, ul şäxes kitä ikän inde, yulı uñ bulsın, bezde bernindi sıqranu, cälläw xisläre yuq

Tälğät Bariev, mondıy bäyä birüen bolay añlata

Äyterseñlä, Qazan ul Tatar xalqınıñ, Tatarstannıñ başqalası tügel. Bügenge köndä, Qazannıñ 10-15 protsent uramnarı ğına tatar mädäniäte, tatar şäxesläre belän bäyle isemnär yörtä. Qalğannarı bezneñ xalıqqa, mädäniätkä qağılmıy. Menä bu ber genä ürnäk. Ä mondıylarnı bik küp kiterep bulır ide. Bezgä, şähär administratsiäse belän bik küp eş alıp barırğa turı kilde häm, döresen äytergä kiräk, ber nindi igelekle ğämäl alardan kürgänebez bulmadı. Gel ayaq çalu, gel qomaçawlaw ğına buldı

Tatar ictimaği üzäge räisen añlap bula. Çönki 16 noyäberdä alar şähär xakimiyätennän arendağa alıp torğan binalarınnan sud pristavları yärdämendä quıp çığarılaçaq

Mindä mondıy mäğlümat yuq ide. Menä miña yaña bilgele buldı. Bıltır fevral' ayında, arbitraj mäxkämäseneñ maxsus qararı bulğan. Anda, şähärneñ komunal' milek idäräse, Tatar ictimaği üzäge belän kileşü şartnamäsen özgän bulğan, şuşı mäxkämä qararınnan çığıp inde. Miña bu mäğlüm tügel ide, comğa könne genä kiterep birdelär şul xaqta käğäzne. Bez, imeş 2004 yılnıñ fevral' ayınnan birle zakonsız nigezdä bu binada utırabız ikän

Sez Tatar ictimaği üzäge räise Tälğät Barievnı tıñladığız.

Räfis Cämdixan

XS
SM
MD
LG