Accessibility links

Кайнар хәбәр

Kirienko Atom energiä idaräse başlığı buldı


Mäskäw -- Sişämbedä Rusiä prezidentı Vladimir Putin xakimiät dairäsendä tağın berniçä üzgäreş turında iğlan itte. Prezidentnıñ İdel-buyı federal bülgesendä elekke wäkile Sergei Kirienko Atom energiä idaräse başlığı itep bilgelände. Düşämbedä Putin Tömän gubernatorı Sergei Sobyaninnı prezident idaräse başlığı itep, Başqortstan prokurorı Aleksandr Konovalovnı İdel-buyı bülgesenä, ä Qazan xakime Kamil İsxaqovnı Yıraq könçığış bülgesenä üzeneñ wäkilläre itep bilgelägän ide. Bügen alar 3se dä İminlek Şurasına yaña äğza itep kerteldelär. Monnan tış, prezidentnıñ eleke idarä başlığı Dmitri Medvedev häm Saqlanu ministrı Sergei İvanov xökümät citäkçeseneñ urınbasarları itep bilgeländelär. Şulay itep, xäzer premier-ministrnıñ 3 urınbasarı bulaçaq. Bügen Putin şul turıdağı qararğa imza quydı.
XS
SM
MD
LG