Vena -- Äfğanstan prezidentı Xämit Qarzai - bezgä xalıqara xärbi köçlär yärdäme äle küpmeder waqıt kiräk bulaçaq, dip belderde. Bu turıda ul bügen Venada, İslamğa bağışlanğan xalıqara konferensiä qısalarında äytte. Düşämbedä Kabulda bulğan intihar höcümnär Äfğanstanda wazğiätneñ äle dä iminsez buluın kürsätä, dide ul. Bu höcümnär näticäsendä Xalıqara köçlär safına kergän 1 alman cärbie häm 7 äfğanlı häläk buldı. Äfğan politsiäse bu höcümnär öçen Äl-Qaidäne ğäyepläde. Qarzai süzlärençä, kem genä bulmasın - Äl-Qaidäme, Talibanmı – alar ikese dä, Äfğanstannı cimerergä tırışqan terrorçı oyışma bulıp toralar. Konferensiädä yasağan çığışında Qarzai, möselman terrorçılarnıñ İslam dinenä qatışı yuq dip belderde. Bügen Paktia wilayätendä bulğan şartlaw näticäsendä ber amerikan, ike Äfğan xärbie, häm ike sivil keşe häläk bulğan.
"İslam häm pluralistik dönya" dip atalğan bu konferensiädä, İslamçı ekstremistlar isemenä näq şundıy tänqitne Ğiraq prezidentı Calal Talabani da äytte. Ul alarnı "din yulınnan yazğan yalğançılar" dip atadı. Venada barğan 3 könlek konferensiädä törle illärdän kilgän din ähelläre, säyäsätçelär İslamnıñ zamança dönyada rolen tikşerä.
"İslam häm pluralistik dönya" dip atalğan bu konferensiädä, İslamçı ekstremistlar isemenä näq şundıy tänqitne Ğiraq prezidentı Calal Talabani da äytte. Ul alarnı "din yulınnan yazğan yalğançılar" dip atadı. Venada barğan 3 könlek konferensiädä törle illärdän kilgän din ähelläre, säyäsätçelär İslamnıñ zamança dönyada rolen tikşerä.
