Accessibility links

Кайнар хәбәр

Başqortstannıñ “könbatış başqortları” üz cıyının ütkärä


Bu şimbädä Ufada “Başqortstannıñ könbatış rayonnarı başqortları qorıltayı” dip atalğan cıyın ütä. Anda Başqortstannıñ könbatış başqortlarınıñ könüzäk mäsäläläre tikşerelergä tieş. Mäğlüm buluınça, Başqortstannıñ tönyäk-könbatış häm könbatış rayonnarında zur küpçelek xalıqnı tatarlar täşkil itä. Ämma alarnıñ baytaq qına öleşe tatarça söyläşsä dä, moñarçı elekke pasportlarda kürsätelgänçä, “başqort” dip yazılğan ide. Bilgele ki, Rusiädäge soñğı öläşengän pasportlarda şäxesneñ milläte kürsätelmi. Şulay da Başqortstannıñ tönyäk-könbatış häm könbatış rayonnarında yäşäwçe tatarlarnıñ şaqtıy ğına öleşe haman da “başqort” dip tanıla. Härxäldä respubliktağı başqort ğälimnäre monı şulay raslıy. Alar monı 2002 yılda ütkän soñğı xalıq isäben alu mäğlümatlarına da tayanıp dälillärgä tırışa. “Başqortstannıñ könbatış başqortları” digän töşençäne respubliktağı başqort tarixçıları häm telçe ğälimnäre küptän inde äyläneşkä häm fänni qullanışqa kertep cibärde. Ämma respubliknıñ könbatış rayonnarında yäşäwçe tatar telle başqortlarnıñ baytağı üzlären “başqort” dip tanımıy. Ä tanığannarı isä, üzläreneñ xoquqları qısıluı xaqında söyli başladı. Könbatış rayonnarı başqortları fikerençä, respublik xaqimiätläre saf başqortlar yäşägän könyäk häm könçığış rayonnarnıñ iqtisadın üsterügä dä zur iğtibar birä, şul uq waqıtta milli-mädäni mäsälälärdä dä näq menä alarğa östenlek birä, ä könbatış başqortlarına iğtibar yä saylawlar, yä bulmasa, xalıq isäben alu waqıtlarında ğına arta. Menä şuşı xäl Başqortstannıñ könbatış başqortların bik tä borçıy. “Bez dä başqortlar ikän, nigä äle bezgä dä şulqädär ük iğtibar bülenmi, nigä könçığış rayonnarı başqortları ğına bar ölkädä dä östenleklärdän faydalana?”, dip rizasızlığın belderä alar. Şuña kürä dä, bu şimbädä Ufada Başqortstannıñ könbatış rayonnarı başqortlarınıñ ayırım cıyının ütkärergä qarar itelgän. Andağı söyläşü näticälären kiläse pooğrammalarıbızda xäbär itärbez.
XS
SM
MD
LG