Accessibility links

Кайнар хәбәр

Şaron Knessetnı taratırğa çaqırdı


İerusalem – İzrail premier-ministrı Ariel Şaron prezident Moşe Katsavnı parlamentnı taratırğa çaqırdı. Şaron añlatuınça, yäkşämbedä Xezmät partiäse koalitsiädän çığuı turında beldergännän soñ, parlament xäzerge şäkelendä eşli almıy. Prezident waqıtınnan alda saylawlar ütkärü turında kiñäşülär başladı. Bu saylawlarğa Şaron urta yünäleştäge yaña xäräkät tözep barmaqçı. Monıñ öçen ul bügen xakimiättäge Likud partiäsennän çığuı turında belderde. Parlament räise Ravin Rivlin saylawlarnıñ kiläse yazda ütü ixtimalın äytte. İñ ixtimal waqıt Mart ayı, 8e belän 28e arasında. Saylawlardan soñ yaña fikerle yaña xökümät tözeläçäk, yaña säyäsät bulaçaq, - dide Knesset räise. Bu täräqqiätkä Likud partiäsendäge qarşılıqlar etärgeç buldı. Citäkçelektäge "qatı qullılar" Şaronnıñ Gazadan yäxüd utırmaların çığaru ğämälenä qarşı çıqtılar.
XS
SM
MD
LG