Accessibility links

Кайнар хәбәр

Munisipal xakimiättä eşlärgä teläüçelär barmı?


Qazan şähär başlığı alışındı, ä problemalar qaldı. Tatarstan deputatları, sişämbe könne, cirle üzidärä reformasın bağuçı komitet utırışın ütkärep, başqala statusı turındağı mäsäläne qaramaqçı ide. Qarawın, qaradılar, ämma proyektnı xuplamadılar, kiçekterep qararğa bulğannar. Bäxäs, başqala bulğan Qazan munisipal berämlekkä kompensatsiälär tüläw turında bara. Tözätmälär küp bulğan öçen, bäxäs küptänge bulğanğa küräme, deputatlar soñğı utırışta ber bersen inqar itüçe tözätmälär qabul itkänen bulğan. Ber tözätmä - finanslawnı qaldırğan bulsa, ikençese - ul xaqtağı mätdäne qanunnan alıp atarğa quşa torğan bulğan. İğtibarsızlıq belän cibärelgän xatanı tözäter öçen xäzer waqıt kiräk. Şuña kürä qanunnı qaraw da, ğinwarğa küçerelä. Anıñ qarawı, deputatlar, yaña oyıştırıla torğan munisipal xakimiättä eşläyäçäk keşelärneñ statusı turındağı mäs’äläse qaradı. Munisipal rayon başlıqları küpçelek cirlärdä saylandı inde. Ä böten eşlär belän idärä itüçe başqarma komitet başlığı, respublika ministrınıñ berençe urınbasarı däräcäsenä tiñ dip isäplänäçäk, anıñ urınbasarı ğadi ministr urınbasarı, häm başqarma respublika xakimiättäennän ber basqıç, tübän bulıp sanalaçaq ikän. Bu eş xaqı häm eş wazifaları, wäqälätlär turında digän süz dä. Elek däwlät eşendä eşlägän xezmätkärlärgä, yaña barlıqqa kilä torğan munisipal xakimiät oyımalarına şundıy uq urınnarğa küçärgä täqdim itelä. Yäğni idärä itüçe oyışmalarda keşelär, oyışmalar şul uq qalırğa mömkin, barı xakimiätneñ iseme genä üzgärä. Bu xaqtağı qanunnar, bu atnada bulası plenar utırışta qaralaçaq.

Bikä Timerova.

XS
SM
MD
LG