Nijni Tagil -- Rusiäneñ bu şähärendäge mäxkämäse elekke FSB polkovniğı Mixail Trepaşkinnı şartlı räweştä irekkä çığaru möräcäğäten kire qaqtı. Xäzer advokatlar yaña şikäyät birergä cıyına. Däwlät seren açuda ğäyeplängän Trepaşkin 4 yılğa törmägä xökem itelgän ide. Şunıñ 3tän-beren utırğannan soñ, bıyıl anı irekkä çığardılar, läkin soñnan mäxkämä qararın üzgärtep, qabat yaptılar. Trepaşkin bar ğäyepläwlärne kire qağa, häm dä bu ezärleklänüen 1999 yılda bulğan toraq yortlar şartlawların bäysez tikşerüdä qatnaşuı belän añlata.
