Amman -- Ürdün patşası Abdulla ilneñ İminlek xezmäte başlığı Maaruf Baxitnı yaña xökümät tözergä soradı. İzraildä ilçe bulıp eşlägän 58 yäşlek Baxit İminlek xezmäte başlığı itep uzğan atnada ğına bilgelängän ide. Xäzer ul 7 ay premier-ministr bulıp torğan Adnan Badrannı alıştıraçaq. Bu üzgäreşlär ike atna elek Ammanda, 60 keşeneñ ğömeren özgän, intihar höcümnärdän soñ yasaldı. Çığışı belän Ürdünle bulğan, Äl-Qaidäneñ Ğraqtağı wäkile Äbü Musab Äl-Zarqawi höcümnär öçen cawaplılıqnı üz östenä aldı häm kiläçäktä tuğan ilendä yaña höcümnär belän yanadı.
