Accessibility links

Кайнар хәбәр

Tatnet yañalığı: tatarça podkast


Radiolarnıñ internet aşa tapşırular alıp baru, yañalıq bulmasa, üzeñä üzeñ radio yasaw, äle küptän tügel genä barlıqqa kilgän mömkinlek. Küplär, televidenie häm radio tapşırular tärtibe häm eçtälege belän qänäğät tügel. İnternet, üzegez telägän tapşırulardan ğına, sezneñ cayğa qorılğan radionı formalaştırırğa mömkinlek birä. İnternet radio açu mömkinlegen birgän säxifä, www.russianpodcasting.ru digän adresta urnaşqan. İsem ipood digän äyberdän çıqqan, ul mp3 pleyernıñ ataması. Şuşı säxifä yärdämendä, üzegezgä telägän temalar, telägän tapşırularğa yazılıp, telägän tärtiptä tözep, üzegez telägän radio oyıştıra alasız. Anıñ öçen iñ berençe, säxifägä kerergä kiräk, adresnı qabatlyım www.russianpodcasting.ru. Şuşında, telägän temalarnı saylap, ayırım keşelärneñ podkastlarına yazılırğa bula. Xatlar törkemenä yazılğan kebek. Läkin biredä, faillar tekst räweşendä tügel, tawış failları bulaçaq kilep toraçaq. Şuşı säxifä, üzegez telägän temağa, üzegezgä dä tapşırular açıp cibärergä mömkinlek bar. Anıñ öçen barı tik kompyuter, anıñ internetqa totaşqan buluı, tawış belän eşläw programmaları häm mikrofon kiräk. Bolar bulsa, üzegez tapşırular alıp bara ala alasız. Yaratqan cırlarığıznı uynatıp utırırğa, şulay uq, komputer programmalar yärdämendä, intervyular yazdırırğa, yäğni tulı qanlı radionı qorıp cibärergä mömkin. Şiğerläregezne yazdırıp alırğa, xikiälärgezne uqırğa, cırığıznı internetqa cibärergä mömkin.

Menä sezgä çiklänmägän süz irege, teläsä nindi temağa, teläsä kem, teläsä närsä söyli ala, digän süz. Andıy tapşırunı podkast, dip atıylar. İñ populär podksatlarnıñ isemlegenä qarağanda, qullanuçılarğa, kübesençä, FM-radiolardağı kebek şayarular, ayırım keşelärneñ qızıqlı tarixlar söyläwe, can açısı belän tormıştan zarlanuı, yäki böten keşene borçığan äyber turına üz fikereneñme belderü kebek temalar qızıqsındıra. Xäzerge waqıtta ayırım ayırmı podkastlarnıñ sanı 2044 citkän. Alar temalarğa qarap bülengän, muzıka, kino, moda, kompyuterlar, sport häm başqalar. Muzıka törkemenä kergän podkastlarnıñ berse – «tatarworld», «tatar dönyası» dip atala. Bu tatar tormışı turında yañalıqlar, säyäsät, mädäniätkä tatar küzlegennän qaraş, tatarça ğına söyläwçe tapşıru, dip yazılğan anda. Bu podkastnı ber Qazan yegete açıp cibärgän, isemen qaldırmağan. Anıñ radiosında älegä ber genä cır äylänä, İlsöyä Bädertdinovanıñ «Ala qarğa » cırı. İnde bu podkastnı berniçä keşe tiñläp qarağan, cır turında fikeren yazıp qaldırğan. Kemder, «fi, närsä bu», digän, kemder «super, äybät, qızıq» digän. Podkastnıñ xucası, şuşı yul belän üzenä qızıqlı cırlarnı, internetta, başqalar öçen yañğıratırğa cıyına. http://russianpodcasting.ru/podcast/tatarworld/

Bikä Timerova

XS
SM
MD
LG