Bügenge köndä sez sälämätlek saqlaw oyışmalarınıñ eşçänlege belän qänäğätme? Digän sorawğa Qazan xalqı tübändägeçä cawap birde:
--Yuq, min tabiplarnıñ eşçänlegennän qänäğät tügel, alar awırularğa tieşle däräcädä iğtibar itmilär. Aqça birmäsäñ sine tıñlawçı da yuq, berär närsä alıp kilsäñ bötenläy ikençe törle söyläşälär. Ber qarasañ moña bez alarnı üzebez öyrättek.
- Min üzemneñ vraçıma aqçalata birgänem yuq, çäy äçergä berär äyberlär genä alıp baram.
- Minem küptän tügel genä yaqın keşem bol'nitsada wafat buldı. Anı anda tieşençä qaramadılar, kiräkle darular da bulmadı. Ansı ğına tügel, anda awırular yanına kilgän keşelärgä dä bik tiskäre mönäsäbättä toralar.
- Buşqa birelä torğan darularnı aylar buyı ala almıybız. Äle berse yuq, äle ikençese. Kiräkle darularnı alıp bulmıy.
- Min älegä üzemne yaxşı xis itäm häm tabiplarğa barğanım yuq.
Gölnaz Şäyxetdinova
