Accessibility links

Кайнар хәбәр

Çeçnä saylawlarında "Berdäm Rusiä" ciñä


Groznıy -- Yäkşämbedä Çeçnädä ütkän parlament saylawları näticälärenä Rusiä prezidentı Vladimir Putin xuplaw belderde. Bügen Kremldä ütkän xökümät utırışında "şunıñ belän Çeçnädä Konstitutsiä tärtiben qaytaruda bar formal-yuridik ğämällär başqarıldı", dide ul. Berençe näticälärgä qarağanda, tawışlarnıñ 60%ın "Berdäm Rusiä" partiäse cıyğan. Tawış birüdä saylawçılarnıñ 66%tı qatnaşqan. Yevropa Şurası küzätüçeläre bu saylawlarnıñ irekle häm demokratik buluına şik belderde. Ämmä Çeçnä prezidentı Alu Alxanov Yevropa Şurası Parlament Mäclesennän ber şikäyät tä kilmäde dide: "Kiçäge saylawlar mäsäläsendä Yevropa Parlamentı äğzalarınnan ber citdi täniqt tä bulmadı, minem öçen bu bik möxim" dide Çeçen prezidentı.

Ul arada düşämbegä qarşı töndä Şatoy rayonında ber awılnıñ idarä başlığı Soltan Demilxanov üterelgän. Ul Çeçnäneñ Däwlät şurası äğzası Ruslan Demilxanovnıñ tuğanı ide. Kurçaloy rayonında federal köçlär maşinasına ut açılğan, ike xärbi yaralanğan. Groznıyda 2 möcäxetdin qulğa alınğan. Atışular waqıtında ber militsiä xezmätkäre yaralanğan.
XS
SM
MD
LG