Mäskäw -- Mäxkämäneñ tıyu qararına qaramastan, Rusiäneñ Rodina partiäse citäkçese Dmitri Rogozin, bu yäkşämbedä ütäçäk Mäskäw Duması saylawlarında partiäneñ qatnaşaçağın belderde. Şimbä könne Mäskäw mäxkämäse Rodinanıñ saylaw aldı video-tasmasın millät-ara näfrät xislare uyata dip, partiäne saylawlardan çitlätü qararın qabul itte. Rogozin monı "fars" dip atadı häm şikäyät belderäçägen äytte.
