Küptän tügel Yekaterinburg şähärendä “Kügärçen” ürnäk tatar-başqort balalar fol'klor ansamble üzeneñ 15 yıllıq yubiley bäyrämen bilgeläp ütte. Şähärneñ 167нче mäktäbe qarşında oyıştırılğan “Kügärçen” ansamble inde öçençe buın balalar tärbiäli. Biregä yörüçe balalarnıñ iñ keçkenäsenä 5 yäş, iñ ölkänenä 14 yäş. Ansambl'gä yörergä teläweçlär arasında tatar häm başqort millätennän genä tügel, ruslar da, azerbaycan häm başqa millät balaları da bar.
Railä xanım İbrahimova citäklägän älege ansambl' 15 yıl eçendä bik yuğarı uñışlarğa ireşte. Yekaterinburg şähäre häm Sverdlovski ölkäse külämendä mädäniät ministrlığı tarafınnan uzdırıla torğan ber genä çara da “Kügärçen”när qatnaşınnan başqa ütmi disäñ yalğış bulmas. İnde un yıldan artıq ansambl' “ürnäk fol'klor ansamble” isemen tota. “Kügärçen” ölkä külämendä oyıştırılğan törle konkurs-festival'lärdä daimi räweştä lawreat isemen ayulap kilä. İke yıl rättän inde alar Çexiä, Slovakiä illärendä dä çığış yasap, üzlären tanıtıp qayttılar.
Yekaterinburgta tuıp üskän başqort qızı Railä İbrahimova zamanında şähärneñ muzıykal pedagogik uçilişçesın tämamlap, vokal, xorda cırlaw, bayanda uynaw serlärenä nıqlap öyrängän keşe. Tınğısız yöräkle, taläpçän Railä xanım üze beräwgä dä tınğılıq birmi. Atnağa biş kön eşli ul ansambl' belän. Öç köne kümäk repetitsiälärgä kitsä, ike kön här bala belän ayırım şöğellänü, tawış quyuğa bağışlana.
İgelekle tatar häm başqort yegetläre belän tığız elemtädä eşläw arqasında balalarnıñ milli kiemnäre dä bik zatlı. Alar däreslärgä cıyıla torğan klass bülmäse tözekländerelgän, zamança cihazlandırılğan. Ğomumän, unbiş yıllıq xezmäteneñ näticäse küzgä kürenä, dip sanıy Railä xanım. Ansambl'ne oyıştırıp eşli başlağanda balalar tügel, ul üze dä tuğan telendä söyläşä belmi ide äle.
Bügen Railä xanım söyläşü genä tügel, qayber cırlarnıñ mäğnäsen dä tärcemä itä. Ä bu eş bik zarur, ni öçen digändä, balalar säxnädä cırlap qına qalmıylar, här çığış xoreografik elementlar belän säxnäläşterelep täqdim itelä. Säxnäläşterelgän şundıy küreneşlärneñ berse – “Qarğa botqası” Sverdlovski ölkäse mädäniät ministrlığı tarafınnan yıllıq kalendar' planğa kertelgän. Här yılnı yazın “kügärçen”när başqa balalarnı Uralmaş mädäniät sarayı säxnäsenä qarğa botqasına çaqıra. Ansambl' başqaruında sabantuy, aulaq öy küreneşlären dä tamaşaçı yaratıp qabul itte. Ä Qazannıñ meñyıllığına bağışlap äzerlängän muzıykal küreneş bik citdi eş bulıp tordı. 10 minutlıq bu küreneş eçendä tatar xalqınıñ danlı tarixına küz salına, yawız İvan yawı turında sötlänelä, Qazannıñ bügenge könenä dan cırlana. Ural töbägendä Qazannıñ meñyıllığına bağışlap uzdırılğan çaralarda “Kügärçen” ansambleneñ bu çığışı vizit kartoçkası bulıp tordı.
Balalar belän şundıy uñışlarğa ireşü öçen bu eşkä böten küñeleñne birep eşlärgä kiräkter. Railä İbrahimova bügen dä tınğı belmi, ezlänä. Anıñ äytüençä, eşlär öçen metodik materiallar, balalar öçen yaña cırlar az. Küptän tügel Luiza Batır-Bolgarinıñ yaña cıyıntığın qulğa töşergäç, başım kükkä tide, bik söyendem dip söyli ul. Railä xanım tatar häm başqort kompozitorlarınıñ balalar öçen kübräk zamança yaña cırlar icat itülärenä teläk belderde.
15 yıllıq yubiley kiçäsenä Sverdlovski ölkäse mädäniät ministrlığı wäkilläre, ölkä häm şähär dumasına saylanğan tatar deputatları, şähärneñ Ordjonikidze rayonı xakimiäte citäkçeläre, ansambl'gä bulışıp toruçı tatar eşmäkärläre, ictimaği oyışmalar wäkilläre kilde. Matur teläklärgä bay qotlawlar balalarnıñ maxsus äzerlängän çığışı belän ürelep bardı.
Çığış yasawçılar tatar häm başqort fol'klorı xäzinälären kiñ cämäğätçelekkä tanıta aluğa ireşkän ansambl' citäkçese Railä xanım İbrahimovağa zur icadi uñışlar teläp, olı räxmätlär belderdelär.
Fäwiä Safiullina, Yekaterinburg
Railä xanım İbrahimova citäklägän älege ansambl' 15 yıl eçendä bik yuğarı uñışlarğa ireşte. Yekaterinburg şähäre häm Sverdlovski ölkäse külämendä mädäniät ministrlığı tarafınnan uzdırıla torğan ber genä çara da “Kügärçen”när qatnaşınnan başqa ütmi disäñ yalğış bulmas. İnde un yıldan artıq ansambl' “ürnäk fol'klor ansamble” isemen tota. “Kügärçen” ölkä külämendä oyıştırılğan törle konkurs-festival'lärdä daimi räweştä lawreat isemen ayulap kilä. İke yıl rättän inde alar Çexiä, Slovakiä illärendä dä çığış yasap, üzlären tanıtıp qayttılar.
Yekaterinburgta tuıp üskän başqort qızı Railä İbrahimova zamanında şähärneñ muzıykal pedagogik uçilişçesın tämamlap, vokal, xorda cırlaw, bayanda uynaw serlärenä nıqlap öyrängän keşe. Tınğısız yöräkle, taläpçän Railä xanım üze beräwgä dä tınğılıq birmi. Atnağa biş kön eşli ul ansambl' belän. Öç köne kümäk repetitsiälärgä kitsä, ike kön här bala belän ayırım şöğellänü, tawış quyuğa bağışlana.
İgelekle tatar häm başqort yegetläre belän tığız elemtädä eşläw arqasında balalarnıñ milli kiemnäre dä bik zatlı. Alar däreslärgä cıyıla torğan klass bülmäse tözekländerelgän, zamança cihazlandırılğan. Ğomumän, unbiş yıllıq xezmäteneñ näticäse küzgä kürenä, dip sanıy Railä xanım. Ansambl'ne oyıştırıp eşli başlağanda balalar tügel, ul üze dä tuğan telendä söyläşä belmi ide äle.
Bügen Railä xanım söyläşü genä tügel, qayber cırlarnıñ mäğnäsen dä tärcemä itä. Ä bu eş bik zarur, ni öçen digändä, balalar säxnädä cırlap qına qalmıylar, här çığış xoreografik elementlar belän säxnäläşterelep täqdim itelä. Säxnäläşterelgän şundıy küreneşlärneñ berse – “Qarğa botqası” Sverdlovski ölkäse mädäniät ministrlığı tarafınnan yıllıq kalendar' planğa kertelgän. Här yılnı yazın “kügärçen”när başqa balalarnı Uralmaş mädäniät sarayı säxnäsenä qarğa botqasına çaqıra. Ansambl' başqaruında sabantuy, aulaq öy küreneşlären dä tamaşaçı yaratıp qabul itte. Ä Qazannıñ meñyıllığına bağışlap äzerlängän muzıykal küreneş bik citdi eş bulıp tordı. 10 minutlıq bu küreneş eçendä tatar xalqınıñ danlı tarixına küz salına, yawız İvan yawı turında sötlänelä, Qazannıñ bügenge könenä dan cırlana. Ural töbägendä Qazannıñ meñyıllığına bağışlap uzdırılğan çaralarda “Kügärçen” ansambleneñ bu çığışı vizit kartoçkası bulıp tordı.
Balalar belän şundıy uñışlarğa ireşü öçen bu eşkä böten küñeleñne birep eşlärgä kiräkter. Railä İbrahimova bügen dä tınğı belmi, ezlänä. Anıñ äytüençä, eşlär öçen metodik materiallar, balalar öçen yaña cırlar az. Küptän tügel Luiza Batır-Bolgarinıñ yaña cıyıntığın qulğa töşergäç, başım kükkä tide, bik söyendem dip söyli ul. Railä xanım tatar häm başqort kompozitorlarınıñ balalar öçen kübräk zamança yaña cırlar icat itülärenä teläk belderde.
15 yıllıq yubiley kiçäsenä Sverdlovski ölkäse mädäniät ministrlığı wäkilläre, ölkä häm şähär dumasına saylanğan tatar deputatları, şähärneñ Ordjonikidze rayonı xakimiäte citäkçeläre, ansambl'gä bulışıp toruçı tatar eşmäkärläre, ictimaği oyışmalar wäkilläre kilde. Matur teläklärgä bay qotlawlar balalarnıñ maxsus äzerlängän çığışı belän ürelep bardı.
Çığış yasawçılar tatar häm başqort fol'klorı xäzinälären kiñ cämäğätçelekkä tanıta aluğa ireşkän ansambl' citäkçese Railä xanım İbrahimovağa zur icadi uñışlar teläp, olı räxmätlär belderdelär.
Fäwiä Safiullina, Yekaterinburg
