Accessibility links

Кайнар хәбәр

Bush çığışı: Ğıraq xärbilären künegüdän ütkärü ähämiät üzägendä, AQŞ xärbiläreneñ kitü waqıtı äytelmäde


Prezident G.Bush Ğıraq suğışına yaqlaw qazanmaqçı . Ul 15.dikäberdä Ğıraqta bulaçaq parlament saylawlarına qädär 4 çığış yasamaqçı Şularnıñ berençesen çärşämbe könne Marylandtağı xärbi dingez akademiäsendä yasadı. Şuluq waqıtta Aqyort '' Ğıraqta ciñü öçen milli strategiä '' isemle 35 bitlek dokument iğlan itte. Anda Bush telgä alğan mäsälälär añlatıla.

G.Bushnıñ çığışı Ğıraq strategiäse turında yaña detallär täqdim itmäsä dä, anıñ ütkändä küp märtäbälär tuqtalğan mäsälälärne yañadan ähämiät üzägenä kütärde. Bush Ğıraqnı tözekländerü waqıt alaçaq, sabırlı bulırğa kiräk dip äytsä dä AQŞ xärbiläreneñ annnan çığıp kitü waqıtın bilgeläwne kire qaqtı häm waqıt grafikası ğıysyançılarğa amerikannnarnıñ çığıp kitüen kötü mömkinçelegen biräçäk dide. Ul çığışında ğıraq xärbiläre künegülärdän ütep ilneñ iminlek mäsäläsen üz öslärenä alaçaq häm amärikannar yaña tör wazıyfalar yöklänäçäkdip basım yasadı. Bush:

AQŞ köçläre Ğıraqta doşmağa qarşı operatsiälär alıp baru häm iminlek tämin itü eşennän in qurqınıç terroristlarnı hädäf alğan mäxsus operatsiälär ütkärügä kereşäçäklär.Bez Ğıraq şähärlärennän çığıp bazalarnıñ sanın kimetäçäk konvoy häm patrollär sanı da kimiäçäk dip äytte Amerikanıñ ilbaşı.

Bush planlaştırğan çığışlar 2meñnnän artıq amerikan soldatı üterelgän häm Ğıraq säyäsäten yaqlaw in tübän däräcägä töşkän waqıtqa turı kilä.Prezident säyäsäten yaqlawçılar 40%tan da azıraq äle.Fiker beleşülär arta barğan sanda amerikannarnıñ xärbilär qayçan öygä qaytaçaq digän soraw belän qızıqsınuın kürsätä.Bush alarğa bolay dip cawap qaytardı:

Ğıraq xärbiläre täcribä qazanıp, säyäsi protsess alğa barsa , bez terrorristlarnı ciñü säläten yuğaltmıy Ğıraqtağı xärbilär sanın kimetä alaçaqbız

Bushnıñ xärbi akademiädäge çığışı yış qına alqışlar belän özelsä dä, Kongressta opozitädäge demokratlanıñ reaksiäse ällä ni uñay tügel. Ütkän yılda prezident saylawlarında Bush belän yarışıp yuğaltqan Massachusetts senatorı John Kerry qaraşınça küpçelek qıraqlılar amerikannarnıñ anda toruı belän qänäğät tügel, xärbilärne aqrınlap çığara başlau ğıysyannı kimeter ide.Kerry belän bergä çığış yasağan başqa ber demokrat senator Jack Reed:

Prezident tağı barlıq amerikannar sorağan sorawğa cawap birmäde:bez anda progress buluın niçek belä alabız.Niçek itep bez uñışnı ülçi alabız.Amerikannar küpme waqıt tağı Ğıraqta toraçaq.Añlauıbızça , xärbilärne küçerü andağı şartlardan bäyle bulaçaq, ämma moñın küpme waqıt däwam itäçäge turında bezneñ fikerebez bulırğa tieş.

Ozaq waqıt Senatnıñ qorallı xezmätlär komitetı äğzası bulıp torğan Reed ütkän ayda Ğıraqta bulıp qaytqan ide . Ul kiçä G.Bush Ğıraq xärbiläreneñ sıyfatı turında artığı belän optimistik qaraşta dip äytte. Reed bu köçlär uniforma kigän qorallı törkemnär genä dide. Şığılar, sönnilär häm körd firqaları arasındağı bäreleşlärne küzdä totıp , alarğa kem kürsätmä birä mikän dip sorıy Reed.

Qayber analitiklar Bush çığışında ber nindi yañalıq kürmi. Londonda urnaşqan Chatam Housta Ğıraq analitige James Denselow çığış amerikan saylawçılarına töbälgän , anda ber yañalıq ta yuq ide , ämma här härsä AQŞ cämäğätçelegen küzdä totıp söylände dide. Analitik cämäğätçelek Bushnıñ- argumentların, bigräk tä anıñ Ğıraq köçläre xäzer köçlänä bara digän argumentın qabul itärme kötergä kiräk di .Denselow:

Ğıraqtan çın mäğlümät yuq ,şunlıqtan AQŞ räsmiläre statistikanı üzläre telägän manzaranı buldıru öçen qullana ala.Bu Ğıraq iminlek köçlären oyıştıru mäsäläsendä bigräk tä döres.Küp kenä oçraqlarda suğışçan törkemnär eşne üz qullarına ala. Körd peşmergaları üz territoriäsendä, Şığılar Basrada östenlek itä.Politsiä köçlärenä bu qorallı törkemnär ütep kergän. Xalıq prezidentnıñ Ğıraq köçläre turındağı statistikalarına ışanırmı mikän? dip sorıy analitik Denselow färidä xämit
XS
SM
MD
LG