Tel Aviv -- İzrail premier-ministrı Ariel Şaron, İzrail, İrannıñ atom qoralına iä buluın berqayçan da qabul itmiäçäk dip belderde. Yaqın Könçığışnıñ totrıqlılığına yanağan wazğiätne buldırmas öçen İzrail barın da eşliäçäk dide ul. Berük waqıtta Şaron süzlärençä, İranğa qarşı nindi dä bulsa ğämäl qılır aldınnan, başta barlıq diplomatik çaralarnı kürergä kiräk. Küptän tügel Quşma Ştatlarnıñ däwlät sekretare urınbasarı Nicholas Burns, anıñ süzläre belän äytkändä, radikal säyäsät alıp barğan Tähranğa xalıqara basım yasarğa çaqırğan ide.
