Oyıştıru komitetınıñ räise, köräş buyınça Yevropanıñ dön'yaküläm çempionı – Minsäyet Tacetdinov äytüençä, tatarça köräş, sportnıñ ber töre bularaq dön'yaküläm sportqa 4 yıl elek ütep kerde häm bu tör yarışta sambo belän şöğellänüçelär dä, dzyudo belän şöğellänüçelär dä bik teläp qatnaşalar.
Programma ike köngä isäplängän ide: 25 noyäber könne oyıştıruçılar Tatarstannan, Çuwaşiädän häm Ul'yanovsk ölkäsennän kilgä qunaqlarnı qarşı aldılar häm yarışta qatnaşuçılarnıñ awırlıqların bilgelädelär; 26нчы noyäber könne – yarış uzdırıldı, ciñüçelärne bilgelände.
Çempionatnı açu tantanasında ölkäneñ administratsiä wäkilläre, deputatlar, tanılğan sportçılar çığış yasadılar. Mäsälän, Ul'yanovsk ölkäse gubernatorı Sergey Morozovnıñ Milli mäs'älälär buyınça yärdämçese Tat'yana Sergeewa köräşçelärgä gubernatornıñ qotlaw xatın yulladı, tatarça köräş buyınça dön'yaküläm çempion Şamil' Sadriev ta sportçılarğa uñışlar teläde. Barlıq tamaşaçılarğa Milli mädäni üzäk häm sport veterannarı tarafınnan keçkenä genä konsert ta äzerlängän ide. Veteran-köräşçelär yäşlärgä üget-näsixätlären äyttelär häm, uñışlar teläp, bilbawların tapşırdılar.
Yarışta 50 dän artıq sportçı qatnaştı. Näticädä 30 büläklänüçe bilgele buldı. Yuniorlar arasında törle awırlıq kategoriälärendä berençelekne tübändäge köräşçelär yawladılar: Ul'yannan Ğaynullin(50), Takmakov(60), Quşnerenko(70), Çumakov(75) häm Buadan Abdraxmanov(55). Olılar arasında Qazannan Gubzarov (65), Ğaynullin (80), Buadan Zamaletdinov (70), Dimitrovgradtan Gafarov (90) berençelekne yauladılar. Absolyut çempion däräcäsenä Dimitrovgrad şähärenä Pawlik Sergey (140) layıq buldı. Barlıq ciñüçelär 3000, 2000 häm 1000 külämendäge aqçalata premiälär häm medal'lär belän büläkländelär. Absolyut çempionğa «Sember» tatar maltabarları isemennän täkä tapşırıldı. Ğomumän alğanda, çempionatnı oyıştıruda bik küp sponsorlar qatnaştı. Oyıştıruçılar alarnıñ hämmäsenä barlıq sport söyuçelär isemennän olı räxmätlär belderdelär häm kiläçäktä tatar köräşe, yäşlärne fizik yaqtan çınıqtıru çaralarınıñ berse bularaq, ölkäküläm sport törläre arasında berençelekne alıp torır digän teläktä qaldılar.
Çulpan Firğalieva, Sember.
