Elekke Ğiraq citäkçese Saddam Xössäin östennän mäxkämä eşe yañartıldı. Saddam häm anıñ 7 tarafdarı 1982nçe yılda Düjail şähärendä prezidentqa höcüm omtılışınnan soñ 140tan artıq şiği möselmanın üterüdä ğäyeplänä. Bügen bu eştä tanıqlıq itkän berençe şaxit çığış yasadı. Äxmäd Xassan, küp keşene qulğa alu, kürşeläreneñ üterelüe, ber tuğan qardäşeneñ cäberlänüe turında söyläde. Ul şulay uq, Saddamnıñ 15 yäşlek malaynıñ başına köllek atqanın belderde. Bügenge utırış säğät yarımğa tuqtalıp tordı, çönki xäkim advokatlarğa mäxkämäneñ qanunsızlığı turında çığış yasarğa röxsät birmägän. Advokatlar şulay itep utırış barğan cirdän çığıp kitkän. Soñınnan alarnıñ bersenä süz birelgän häm advokatlar utırışqa kire qaytqan dip xäbär itelä.
