Accessibility links

Кайнар хәбәр

Keşelär dönya qua, ä şäxeslär dönya quya…


Düşämbedä Tatarstan parlamentı spikerı Färit Möxämmätşin “Qazan” xalıqara aeroportında İnguşetiä parlamentı räise Mäxmüt Sakalov citäklägän delegatsiäne qarşı aldı. İnguşetiädän kilgän qunaqlar Tatarstanda öç kön bulaçaq. Şuşı säfär barışında Tatarstan Däwlät Şurası belän İnguşetiäneñ Xalıq Cıyını arasında xezmättäşlek itü turında kileşü tözü dä qaralğan. Qış sağındırıp kilsä dä, kilde. Ä başqala uramnarında barlıqqa kilgän qar öyemnäre, bozlawıqlar yullardağı maşina yörtüçelärne poşamanğa saldı. Bit bu äle qışnıñ böreläre genä, alda tabiğätneñ nindi syurprizlar äzerläwen sinoptiklar da farazlıy almıy. Şul nisbättän Tatarstan Xökümäte, Ğädättän tış xällär İdäräse “Buran”dip atalğan programma tözede. Maqsatı, qışqı yullarda iminlek buldıru. Bıyıl mäsälän, Qazan uramnarındağı qarnı 230 dan artıq texnika cıya , tağın biş yözläp maşina cälep iltergä mömkin dip tä ışandıralar. Bolardan tış, ike meñ keşe köräklär belän eşläyäçäk. Yıldan – yıl, qışqı qarlarğa kümelep yatqan Qazan uramnarı, beraz çistarırmı - kürerbez. Düşämbedä Qazannıñ meditsina köllätendä tämäke tartuğa qarşı mäktäp eşli başladı. Ul, tämäke tartunıñ zıyanın kiñ qatlamnarğa añlatırğa, kiräk oçraqta däwalawnı da küzallıy torğan oyışma. Şul uñaydan ber qızıqlı san. Belgeçlär, dönyada 200 mln. tiräse xatın-qızlar ğına da tämäke tarta dip belderälär. Tämäke tartu ber xäl, menä añarğa qarağanda da zähärräk ğädät dönyanı basıp kilä. Narkotiklar. Anı satalar - bazar zakonnarı bit, satuçı bulğaç, aluçılar da bar. Saq orğannarı qarşı köräşä anısı. Alar mäsälän, respublikada uzğan atnada ğına da 1 kiloğa yaqın narkotik matdälär tapqannar. Şularnıñ 17 oçrağı Qazanda, 14 te Çallıda. Ütkän şimbädä şähär dumasınıñ utırışı buldı. Anda, şähär idäräse räise bulırğa telägän ike keşeneñ bersen saylap aldılar deputatlar. Ul İlsur Metşin. Bu xäbärne işetkän qazanlılar aptıraşta qaldı. Çönki. Küplär munitsipal' reformanıñ asılın añlamıy bulıp çıqtı. İlsur Metşinnı prezident ber tapqır üzeneñ qararı belän bilgeläde bit inde, nigä tağın saylaw-konkurslar ütkärü kiräk soñ digän sorawlarnı işetergä turı kilä. Çallı da yaña saylanğan şähär deputatları kommunal' xezmätkä bäyälärne arttıru turında qarar qabul ite. Moña qarşı, oppozitsion Tormış firqäse piket ütkärde. Ozaq yıllar buyına Qazan universitetında jurnalistqa fakul'tetın citäklägän, tanılğan ğalim häm publitsist Florid Ägzamov yäkşämbe kiçendä wafat buldı. Düşämbe könne Tinçurin teatrında Tatarstan möselman xatın-qızlarınıñ berençe qorıltayı uzdı. Anda respublikanıñ berençe möslimäläre genä tügel, ä däwlät eşlekleläre dä qatnaştı. Döres, andıy oyışma elek tä bar ide, ämma moñarçı ul fäqät cämğiät başlanğıçlarında buldı. Düşämbedä tanılğan yazuçı, cämäğät eşleklese, säyäsätçe Fäwziä Bäyrämovağa 55 yäş tuldı. Respublikanıñ bäysezlege öçen köräş alıp barğan, 90 yıllardağı milli xäräkätkä nigez saluçılarnıñ berse bulğan, İttifaq tatar milli bäysezlek firqäseneñ räise Fäwziä Bäyrämova 55 yäşlek yubileen bernindi dä tantanasız uzdıra. Azatlıq radiosı aña şuşı yubiley uñayınnan möräcäğät ite. Röstäm İsxaqi
XS
SM
MD
LG