Accessibility links

Кайнар хәбәр

Urta Äläzän tatarlarına yala yağu kemgä faydalı?


“İzvestiä” gazetasında çıqqan mäqälä Soğud Ğäräbstanında uqıp qaytqan yäşlärne wahhabçılar dip ğayıpläwdän başlana. Monnan tış ul Soğud Gäräbstanıynnan aqçalar ağılıp toruın, şulay uq awılda 800 qoral terkälgänen, äle terkälmägäne bixisap buluı yazıla. Şulay uq yäşlärneñ qoral belän kürşe rus awıllarına barıp anda xuliganlıq qıluları, torba ütkärgeçtän neft' produktların urlawın, törle şikle äyberlär belän satu itüen, Çeçnyadağı kebek kürşe cirleklärdän terlek urlaw belän şöğellänüen yaza. “İzvestiä“ xäbärçese wahhabçılar turında Penza ölkäse möftie Abbas xäzrät Bibarsov äytä di. Xätta ul üzeneñ ulın – Mökatdäs Bibarsovnı wahhabçı dip äytte dielä mäqälädä. Urta Äläzängä barğaç ta jurnalistlar berençe bulıp Abbas xäzrät Bibarsov belän küreşep söyläştelär.

Jurnalist min ulım belän siräk küreşäm, ul anda min monda eşlim digänne uze telägänçä äti belän ul arasında añlaşılmawçanlıq bar, çönki ulın wahhabçı dip atıy dip yazğan. Alar tatarlar arasın bozasılar kilä şul räweşle.

Çaqırılğan bulsalar da Tatarstan jurnalistları belän oçraşuğa Penza ölkäse xakimiätennän berkemdä kilmägän ide. Monı añlap ta bula, çönki Penza xaqimiäte tatarlarğa inde berniçä yıl çoqır qazıp kilä. Ülep barğan mesken xälendäge rus awıllarınıñ kütärelä almawına tatarlar ni ğayıple soñ. Qazan yulınnan kilgändä, Arxangel'skoe, Çaadaevka awılları yanınnan uzdıq. Yortlar cimerelep barğan, tülärgä aqçaları bulmaw säbäple şäm häm kerosinka utı yaqtısında utıruçı awıllar da bar. Bolar yanında Urta Äläzän awılı, andağı 2-3 qatlı yortlar, 7 mäçet, 52 kibet, 2 mäktäp şähär bulıp kürenä. Baqsañ ölkä xakimiäte rus awıllarında telefonnı 4 meñgä kertsälär, Urta Äläzändä ul 12 meñgä töşä ikän, gaz belän dä şundıy uq xäl. Monı xakimiät “Sez baylar” dip añlata ikän. Dindar mişär millättäşlärebez awılğa isertkeç eçemleklär kertmäskä tırışa. Tuylarnıñ 70 protsentı araqısız uza. Moña ölkä xakimiäte byudjetqa aqça kermi dip qänäğätsezlek belderä ikän. Din alğan kitkän bulğanlıqtan biredä cinayätçelek tä az.

Urta Äläzändäge millättäşlärebezneñ kübese yök taşu belän şöğellänä. Törle yıraq cirlärgä çığıp kitep eşlilär. Ber awılda ğına da 1 meñ 200 KamAZ maşinası bar.

Bu xaqta “Äläzän” agrofirması citäkçese Kyazım Deberdeev

Bezneñ xalıq yök taşıy, börtekle kul'turalar sata, terlekçelek üseş alğan. Annan här eşmäkärneñ sexı bar. Anda 100-150 keşe xezmät itä.

Yäşlärneñ kübese Mäskäwdä, Sarıtawda, Qazanda yuğarı belem alğaç kire awılğa äylänep qayta ikän. Ämma soñğı waqıtta ölkä xakimiäte tarafınnan alarğa qarata da ğayıpläwlär küp bula başlağan. Bu xaqta İslam mädräsäse citäkçese Xäydär Kurmaşev

Urmannarğa çığabız aşarğa, yal itärgä. Şunı bezgä ekstremistik lager'lar oyıştırasız dip yala yağalar.

Äytergä kiräk, 2002 yılnı oyışqan mädräsädä 9 noyäber könne tentü bulğan. Şunnan birle anda uqu tuqtatılğan häm ul yabılu aldında. Mäktäplärdä dä tatar tele 2 säğät kenä uqıtıla. Bu xaqta “Äläzän” agrofirması citäkçese Kyazım Deberdeev

Bez yıl sayın tatar tele öçen köräşep kiläbez. Çönki tarifikatsiä waqıtında tatar tele 10-15 protsentqa kimetelä.

“İzvestiä” gazetasında tatarlarğa qarşı yazma çıqqaç Qazannan tış Mäskäw, Sarıtaw, Sankt-Peterburgtan da millättäşlärebez kilgän Urta Äläzängä. Penza ölkäse televideniesendä gubernator urınbasarı Valeri Gorbunov “Urta Äläzänlelär yärdämgä böten tatarlarnı çaqırıp kitergän”, - dip beldergän.

Landış Xarrasova

XS
SM
MD
LG