Rusiä başqalasında maşinalar öçen yalğan xökümät nomerları, prezident Putin tarafınnan imzalanğan Kremlgä ütep kerü dokumentların alırğa yärdäm itkän 20dän artıq milisiä xezmätkäre qulğa alınğan. Bu xaqta jurnalistlarğa bügen Federal İminlek Xezmäteneñ matbuğat wäkile Sergei İgnatçenko belderde: "12 cinäyät eşe açıldı, 20gä yaqın keşe qulğa alındı." Anıñ süzlärenä qarağanda, bu dokumentlar "yuğarı sıyfatta" eşlängän bulğan. Yäşeren urınnarğa kerü röxsäte birgän qayber dokumentlar 200 meñ dollarğa satılğan bulğan.
