Accessibility links

Кайнар хәбәр

Tatarstanda marşrutkalar beterelmi


Qazanda işep qar yawa. Yaña şähär xakimiäte citäkçese öçen sınaw bu. Yul xezmätläre yullarnı çistarta alırlarmı, yuqmı, anısın aldağı könnär kürsäter. Ğomumän, Qazanda yullar häm transport mäs’äläse bik aktual'. Qazan şähäre idärä başlığı İlsur Metşinnıñ marşrut avtobusları eşçänlegen rätkä kiteräçäkmen digän belderüläre küplärne qurquğa saldı. Xosusi avtobus xucaları biznesnı yuğaltırbız dip, ğädättän tış jıyelışların uzdırdı, xakimiätlär belän söyläşülär alıp bardı. Ğadi qazanlılar da avtobuslar betereläçäk dip borçıldı.

İnde, soñğı mäğlümatlarğa qarağanda, bu ölkädä zur üzgärtep qorular bulmıy, çönki xosusi avtobus xucaları assotsiatsiäse, yul iminlege inspeksiäse häm transport öçen cawaplı oyışmalar kileşügä kilgän. Marşrut avtobusları beterelmäyäçäk. Gazel' avtobusların kimetü turında da süz barmıy, barı tik alarnı kiläçäktä zurraq sıydırışlı avtobuslarğa alıştıru turında ğına süz alıp barıla. Ä yul iminlege inspeksiäse başlığı yul iminlege mäs’älälärenä iğtibarnı yunäl'tte häm avtobuslarnı härdaim tikşerü bulaçaq dip wäğdä itte. Yäğni yaqın aralarda tabışlı marşrutlarnı bülgändä citeşsezleklär tabılu, rişwätçelek skandalları kilep çığu turında farazlar aqlanmıy. Ä yaña şähär başlığı başlap cibärgän eş kiçekterelep tora.

Al'bina Zäynulla

XS
SM
MD
LG