Accessibility links

Кайнар хәбәр

Ante Gotovina Haagqa tapşırılaçaq


BMOnıñ suğış cinäyätläre mäxkämäseneñ baş prokurorı Carla Del Ponte, yäşerenep yatqan elekke general Ante Gotovina İspaniädä kiçä qulğa alınğan häm tiz arada Hague'qa tapşırılaçaq, dip belderde. Älege mäğlümat çıqqaç ta Brüsseldä bulğan NATO general sekretare Jaap de Hoop Scheffer bu yañalıqnı "yaxşı xäbär" dip bäyläde: "Gotovinanıñ qulğa alınuı dönya öçen yaxşı xäbär. Yaxşı xäbär çönki cinäyät qıluçılarnı, moña qädär cäza almawçılarnı xökem itü häm cäzağa tarttıru kiräk. Bu bigräk tä Xorvatiä öçen yaxşı xäbärder dip uylıym" dide Scheffer. Gotovina, Hague mäxkämäse ezlägän iñ möhim keşelärneñ berse ide. Elekke general 91-95nçe yıllardağı serb-xorvat suğışı waqıtında 150gä yaqın serbnı üterü häm meñnärçä keşene öylärennän quu färmanın birüdä ğäyeplänä.
XS
SM
MD
LG