Accessibility links

Кайнар хәбәр

Qazanda 3000 keşe bergä Rusiä gimnın başqardı


Xäzer Rusiä konstitutsiäse köne ütkärelmäsä dä, Qazanda älege kön qısalarında, 6 – 10 dekaber könnärendä “Rusiä gimnın bergä başqarıyq” digän aksiä ütte. Älege çaranı Tatarstannıñ “Mı - Bez” yäşlär ictimaği xäräkäte oyıştırdı.

Älege çara Qazannıñ iñ ere säwdä urınnarında, yuğarı uqu yortlarında häm mäktäplärdä ütkärelde. Biş kön däwamında çarada 2000 meñnän artıq qazanlı Rusiä gimnın başqardı. Bäygeneñ iñ yäş qatnaşuçısı Cämilä Xäbibullinağa 4 yäş kenä bulsa, iñ olı başqaruçı Räfis Fattaxovqa 66 yäş. Gimnnı başqaru ostalığı biş nominatsiädä bäyälände. Äytik, “Emotsional' başqaruçı”, bulıp Mixail Vdovin häm Yuliä Golovina tabılğannar. Ä menä “İñ original' başqaruçı” nominatsiäsendä Qazan Däwlät sänğät häm mädäniät universitetı studentları ciñü aulağan. Alar gimnnı rep stilendä başqarunı täqdim itkännär. Häm anı Rusiä äläme tösendäge külmäklär kiep başqarğannar. Ä inde “Kümäkläp başqaru” nominatsiäsendä, Qazan sotsial' yuridik institutında belem aluçı 265 yeget häm qız bergäläp gimnnı cırlap ciñü aulağannar.

Bäygeneñ yomğaqlaw öleşe, älege xäbär äzerlängändä, Qazannıñ sport sarayında başlanıp kitte. Häm bezgä bilgele bulğança, Rusiä gimnın “Mı - Bez” yäşlär ictimaği xäräkäte liderları häm 3000 artıq keşe bergäläşep başqarğan.

Şulay uq, 12 dekaber könne “Bez” yäşlär xäräkäteneñ ikençe qorıltayı uzdı. Qazanğa xäräkätneñ Çistay, Yäşel Üzän, Yar Çallı häm Tübän Qama şähärläre filiallarınnan 400ләп wäkil cıyıldı. Alar xäräkätneñ Ustavın qabul itep, üz Şuraların saylap quydılar.

Gölnaz Şäyxetdin

XS
SM
MD
LG