AQŞ xärbi köçläre mäğlümatlärenä qarağanda, elekke Saddam Hösäin rejimınıñ yuğarı däräcädäge 8 wäkile irekkä çığarılğan. Bu xaqta iğlan itkän ofiser Barry Johnson, alarnıñ isemnären äytüdän baş tarttı. Älege 8 keşe başqa qurqınıç tudırmıy, dielä belderüdä. Äl-Äräbiä televidenie kanalı, irekkä çığarılğannar arasında ike elekke ministr, yuğarı belem birü başlığı Humam Abdel Xaleq häm elekke transport ministrı Ahmed Murtada, şulay uq Saddamnıñ ulı Udaynıñ yardämçese bar, dip xäbär itte. Alarnıñ qayberläre Ğiraqtan kitkän inde, dip xäbär itelä.
