Accessibility links

Кайнар хәбәр

Üzbäk oppozisiäse wäkile qulğa alınğan


Üzbäk oppozisiäseneñ "Qoyaşlı Üzbäkstan" koalisiäseneñ tanılğan wäkile Nigara Xidoyatova, üzeneñ ber tuğan señleseneñ Nodiranıñ kiçä Taşkent hawa mäydanında qulğa alınğanın belderde. Anıñ süzlärenä qarağanda, bu qulğa alu – xökümätneñ dissidentlar tawışın tomalaw säyäsäteneñ ber öleşe: "Qulğa alunıñ berdän ber säbäbe ul säyäsi. Çönki, belüegezçä, alar, "bez sezgä aqça eşlärgä irek biräbez, häm sez bezgä tuğrı qalırğa tieş" dip sanıy. Ämma bez üstek. Bez – ildä eşlär döres barmıy dip äytergä üzebezne cawaplı toyğan urta sıynıfnı wäkillek itäbez." "Qoyaşlı Üzbäkstan" koalisiäse may ayında Andicanda bulğan waqiğälärne täñqitläp kilde. Ay başında Qazaxstanda Nigara Xidoyatovanıñ ire Arifcan Aidin atıp üterelgän ide. İreneñ ülemen Nigara xanım "säyäsi üterü" dip atadı. Üktäber ayında koalisiäneñ räise Sancar Umarov, aqça üzläşterü häm salım tülämäwdä ğäyeplänep qulğa alınğan ide.
XS
SM
MD
LG