Xabarovski -- Rusiä räsmiläre äytüençä, Amur yılğası buylap ağıp kilgän benzol tabı yaqın säğätlärdä Xabarovskiga citäçäk. Rusiäneñ Ğädättän-tış xällär ministrı Sergei Şoigu bar äzerlek çaraları kürelgän dip belderde. "İminlek çaraları kürelgän. Konsentratsiäneñ tormış öçen qurqınıç däräcädä buluı açıqlanu belän bu çaralar ğämälgä quyılaçaq. Xäzergä filtrlar, laboratoriälär eşli, 2 säğät sayın su tikşerelä. Bezneñ maqsat – wazğiätne ğädättän-tış xälgä citkermäskä," di Sergei Şoigu. Ministr süzlärençä, Xabarovskiğa 58 meñ kubometr çista su kiterelgän. Şähärne zararlı sudan saqlaw öçen maxsus bua qorılğan. Uzğan ayda Qıtaynıñ ximiä şirkätendä bulğan şartlaw näticäsendä berniçä tonna benzol Amurğa qoyğan Sungari yılğasına eläkkän ide.
