Bügen İran üzeneñ atom programması öçen urannı Rusiädä bayıtu täqdimen kire qaqtı. Rusiä tışqı eşlär ministrlığı kiçä täqdimen qabatlap İrandağı atom reaktorları öçen urannı Rusiä-İran urtaq proyektı nigezendä Rusiädä bayıtu mömkin digän ide. İran tışqı eşlär ministrlığı süzçese Xämit Riza Asefi bügen mabuğat oçraşuında Tähran äle dä Rusiädän konkret täqdim almadı dide.
"Sez äytkän Rusiä atom planına kilgändä, sez telgä alınğan qayber ideyälär turında süz alıp barasız, bezgä äle bernindi tögäl täqdimnär dä kilmäde" dide Asefi.
Şul uq waqıtta Asefi ni genä bulmasın İran xökümäte İslam respublikasınıñ urannı üz cirendä bayıtu xoquqınnan faydalanırğa teli dide. Küp kenä illär, birgäk tä AQŞ Tähran üzeneñ atom programmasın yäşeren räweştä atom qoralı yasaw öçen faydalanırğa mömkin dip borçıla.
