İzrail' xärbi boralağı Gazağa raketalar atıp suğışçan Äl-Aqsa törkemeneñ 2 binasın häm 1 küperne cimerde.
Qorbannar turında xäbär itelmi. Kiçä İzrail' Gazanıñ tönyağınnan İzrail'gä raketalar atuğa çik quyu öçen anda yaña bufer zonası buldıraçağın beldergän ide. İzrail' armiäse cimerelgän küper suğışçılarğa raketa oçıru öçen kiräkle urınğa baru öçen xezmät itä ide dide.
Berniçä säğät soñraq äl-Aqsa äğzaları Gazadağı 3 xökümät binasın basıp alıp eş taläp itte.
Yerusalim yanında äl-Aqsa äğzaları saylaw komissiäse binasın basıp alıp ğinwarda ütäçäk parlament saylawlarında Fälestinneñ xakimiättäge Fatah xäräkäte üs isemleklärenä kübräk cirle wäkillärne kertsen dip taläp itte.
Äl-Aqsa törkeme fälestin prezidentı Mäxmüt Abbasnıñ Fatah xäräkäteneñ qorallı qanatı.
