Accessibility links

Кайнар хәбәр

Wäliulla Yaqup: Mäktäplärdä Zakon Bojiynı uqıtu – möselmannarnı qısu bula


Ser tügel, Rusiädä pravoslav dine nigezlären barlıq mäktäplärdä dä uqıtırğa tieşlelege turında bäxäslär üptän bara. Urıs pravoslav çirkäwe wäkilläre, Rusiädäge härkem küpçelek xalıqnıñ dine dip sanalğan pravoslav dinen belergä, urıs mädäniäte berençelektä bulırğa tieş digän fikerne alğa sörä häm bu yünäleştä köräş alıp bara. Mäsälän, bu könnärdä genä, Rusiäneñ baş ataqayı Aleksiy II, BS radiosına, möselmannar da, başqa traditsion din totuçılar da, Rusiädä yäşilär ikän, dimäk, Rusiä mädäniäten belergä tieş dip belderde. İslam dine wäkilläre bu xaqta ni uylıy soñ?

Tatarstan möftie urınbasarı Wäliulla Yaqup Azatlıq radiosına bu uñaydan menä närsä dide.

Aleksiy II monı, minemçä, mäktäplärdä pravoslav dine nigezlären kertü cähätennän äytkän bu süzlärne. Läkin rus mädäniäten belergä kiräk digän sıltaw belän mäktäplärdä Zakon Bojiynı öyrätü, ul möselmannarnı qısu bulır ide. Ber dingä däwlät statusın kertergä mataşu, ul bezdäge dinara duslıqnı cimeräçäk kenä

Rusiäneñ baş ataqayı Aleksiy II bu ildä yäşilär ikän, rus mädäniäten belergä tieşlär digän üzeneñ belderüeneñ tel töbendä, möselmannarnı, urıslardan ayırıp, alarnı kilmeşäk itep sürätläwe yata. Läkin, mäsälän, tatarlar ber qayan da kilmägän, alar monda şulay uq töp xalıq. Şuña da, Ataqay belderüendäge mondıy törtterü, kilmeşäk itep sürätläp, Rusiäneñ töp mädäniäte itep urıs mädäniäten kürsätergä omtıluın möselman din ähelläreneñ añlarğa telämäwläre säyer kürenä. Alar monı nigäder barı tik pravoslav dine däreslärenä genä qaytarıp qaldıralar.

Gölnaz İlgizär

XS
SM
MD
LG