Башҡортостанда халыҡ аҡыллыраҡ байрам итергә өйрәнеп бара. Республика милицияһы шулай тип иҫәпләй. Сөнки яңы йыл байрамдары мәлендә телгә алып һөйләрлек ғәҙәттән тыш хәлдәр теркәлмәгән. 1-се ғинуарҙа 123 кешене айнытҡысҡа алып барғандар, 2-һендә 184 кеше милиция айнытҡысында ҡунып сыҡҡҡан. Республика ҡала – райондарындағы боҙ майҙансыҡтарында өс мең ярым милиционер эшләй. Ә байрамдар осоронда йәмғеһе 8 мең милиция эшләгән.
Эске эштәр министрлығының йәмәғәт тәртибен һаҡлау бүлеге етәксеһе Фаил Мөхтәруллин әйтеүенсә, үҙәк урамдарҙағы видеокамералар ҙа енйәтселәрҙе ваҡиға урынында ҡулға алыу мөмкинлеген бирә.
