Барадеи: Иран атом мәсьәләләрен 4 атнада хәл итеп бетерергә тиеш

Вена – Халыкара атом энергия идарәсе һәм Иран – бу илнең бәхәсле атом эшчәнлегенә караган бар мәсьәләләрне хәл итеп бетерү өчен 4 атна вакыт билгеләргә килешкән.

Бу турыда идарә башлыгы Мөхәммәт Әл-Барадеи бүген Тәһранда Иран рәсмиләре белән 2 көн дәвам иткән сөйләшүләрдән соң белдерде.

Март аенда Барадеи Иранның атом програмы турында хисабын бәян итергә тиеш.