Terraktta ğayeple tabılğan törle yäşlärdäge 17 keşe, Tatarstnanıñ Aznaqay, Çallı, Kama Alanı kebek törle şähärlärennän. Alar Qazannıñ 1000 yıllığı waqıtında teror ğamälläre oyıştıru, şulay uq Çallıdağı KamAZ häm Qazandağı Orgsintez kebek ilneñ zur şirkätlärendä şartlaw äzerläwdä ğayeple tabılğan.
Tikşerüçelär islam cämäğate wäkelläre xärbi lager yasağan häm şulay uq mäxsus aqça qaznasın buldırğan di. Monnañ qala qorallar häm aşamlıqlar öçen maxsus baz qazılğan dip belderä. Ämmä anda ber genä qoral da tabılmağan. Qazanda da barlığı 6 meñ sum aqça bulğan.
Ğayepläwçelärneñ şundıy şikle dälillär kiterüwe möselman xoquqların yaqlawçı oyışmalarda, bu eş Rusiäneñ iminlek xezmätläre tarafınnañ maxsus oyıştırılğan digän şik qaldırğan. Bu xaqta Azatlıq radiosına yazuçı Fäwziä Bäyromova da beldergän ide.