BDB citäkçeläre bügen ğayre räsmi samit öçen Mäskäwgä kilde. Rusiänen Berlekkä xaqimlek itärgä tırışuına qaysı ber äğzä illär rizasızlıq kürsätä başladı, Şuña da soñgı waqıtta mondıy cıyınnar bik siräk bula.
Energiä xezmättäşlege häm imigrasiä mäsäläse cıyınnıñ iğtibar üzägendä bulaçaq temalardan ber niçäse.
Qırğızstan prezidentı Qurmanbäk Baqiev, Russiäne soñgı waqıtta artqan millät ara-näfrät cinäyätläre turında küberäk çaralar kürergä çaqırası ide. Qırğızstan parlamentında bügen Rusiäne bıyıl üterelgän qırğız imigrantları mäsäläsendä xoquqi çaralar kürergä çaqırğan bilderü iğlan itelde.
Prezidentlıq möddäte betügä sanawlı könnär qalğanda Vladimir Putin, berlektäge qaysı ber il başlıqları belän ayrım söyläşäçäk.
Rusiäle säyäsät belgeçe Aleksey Muxin, bu cıyın şul uq waqıtta berlek illäre wäkilläre öçen kiläse prezident saylawında Putin warislegenä namzät Dmitri Medvedev belän yaqınnan tanışu öçen ber forsat bulaçaq dide.
“BDB illäre citäkçeläreneñ ğayre räsmi cıyını, tantana räweşendä genä planlangan. Vladimir Putin üzennän soñ prezidentlıqqa namzät Dmitri Medvedevne tanıştırıp üze BDB illäre citäkçeläre belän räsmi bularaq sawbullaşaçaq”
Läkin Kosovonıñ üz başına Serbiadan bäysezlegen iğlan itüe, Gruziäneñ ayrılıqçı Könyaq Osetiä häm Abxaziä töbäkläre mäsäläsendä qızu bäxäslär quptarır dip kötelgän ide. Bu ike töbäkneñ bäysez buluın Mäskäw yaqlıy.
Muxin,
“Abxaziä hän Könyaq Osetiä kiläçäge mäsäläsenen BDBnıñ kön tärtebenä kiterelä başlawı, cıyınnıñ tärteben üzgärtte. Gruziäneñ eçke mäsälälären xäl itär öçen cıyınğa kilgän Gruziä prezidentı Saakaşviligä, uñaysız sorawlarga cäwap totatarğa turı kiläçäk”
BDBnıñ Kosovonıñ bäysezlegen tanu mäsäläsenä mönäbäte dä cıyında qaralırğa tiyeş ide.
Kosovonıñ bäysezlegen tanu mäsäläse Mäskäw belän Tiflis arasındağı mönäsäbätne kiyerenkelekkä sala
İke il citäkçese soñgı arada 16 ay däwam itkän çikläwdäñ soñ, Gruziä belän Rusiä arasında oçışlarnı yañadan başlatu öçen kileşkännär ide. Gruziä prezidentı Mixail Saakaşvili bu kileşüdän soñ ike aradağı mönäsäbätnen tağın da yaxşırıp kitüen ömet itkänen beldergän ide.