2 декабрьдә Түбән Камада яңа мәчет нигезенә субай кага башлауга багышланган тантанада шәһәр мөхтәсибе Салих Ибраһимов мәчетнең айлы манарасы булачагын белдерде.
Гаиләдә көч куллануга каршы канун өлгесе Казан җәмәгатьчелеген икегә бүлде. Берәүләр аны "тешсез" диде, икенчеләре, православ активистларына теләктәшлек белдереп, гаиләгә тыкшыну дип бәяли.
2 декабрь Түбән Камада яңа мәчет нигезенә таш салу тантанасы уза. Анда Татарстан мөфтие Камил Сәмигуллин катнашуы көтелә. Шәһәр җәмәгатьчелеге айсыз-манарасыз мәчет проектына каршы чыга.
30 ноябрь Казанның "Крылья Советов" паркы янында Татарстандагы экология проблемнарына игътибар җәлеп итү максатыннан пикет үтте.
Казанда Муса Җәлил исемендәге опера һәм балет театрында чираттагы, дүртенче "Үзгәреш җиле" фестивале узды. Быелгы концерт үткән фестивальләрдә яңгыраган җырлардан төзелгән. Шушы ук програм гыйнвар аенда Нью-Йоркның Карнеги-холлында тәкъдим ителәчәк.
29 ноябрь Татарстан байрагын кабул итүгә 28 ел тулды. "Азатлык" татар яшьләре берлеге вәкилләре бу уңайдан Казанда байракчыклар таратты.
Ике ел элек Татарстан мәктәпләрендә татар теле мотлак укытылудан туктатылды. Бүгенге көндә тел сәясәте өлкәсендәге кануннарны янә үзгәртүне алга сөрүче яңа хәрәкәт башлануы сизелә.
29 ноябрьдә 68 яшендә опера җырчысы, мөгаллим, режисссер, ТАССРның халык артисты Рафаэль Сәхәбиев озакка сузылган авырудан соң бакыйлыкка күчте.
Начарая барган экология, юкка чыккан мирас һәм читтән тагылган төзелеш планнары. 28 ноябрь көнне узган "Казанны яшәү өчен ничек уңайлы итәргә?" дигән түгәрәк өстәлдә шушы һәм башка мәсьәләләр күтәрелде.
Низамовны яклаучылар җинаять эше өчен лингвистик экспертиза нәтиҗәләреннән канәгать булмый, башка белгечләрдән экспертизага бәяләмә ясаткан. Адвокат хөкемдардан мәхкәмә эшендә әлеге экспертларны җәлеп итүне дә сорады.
Татарстан мөфтие Уфада узучы форумда Коръән мәгънәләренең урысча тәрҗемәсен тәкъдим итте, ә татар тәрҗемәсенең электрон файлларын башкорт өммәтенә тапшырды. "Без бер-беребезне тәрҗемәчесез аңлыйбыз", диде Камил Сәмигуллин. Җомга Уфага Рөстәм Миңнехановның килүе көтелә.
28 ноябрь Чехия авыл хуҗалыгы министры Татарстан президенты белән очрашырга тиеш иде. Ләкин Чехия делегациясе очкычына Мәскәүдән Казанга очарга рөхсәт бирелмәгән.
дәвам
