3 сентябрьдә “Диалог Ауразия” оешмасының Казанда ифтар мәҗлесе уздыруы турында хәбәр ителде. Әлеге мәҗлестә билгеле җәмәгать эшлеклеләре, галимнәр, язучылар һәм ислам руханилары белән бергә төрле дин вәкилләре дә катнашкан иде. Бу язма радионың интернет сәхифәсендә шактый кызу бәхәсләр уятты. Аерым алганда, муллалар белән попларның бер мәҗлестә утыруы кайберәүләрне гаҗәпләндергән.
