Accessibility links

сишәмбе, 6 декабрь 2016, Казан вакыты 06:06

►“Gorpeçat”: Bez zıyanğa eşli almıybız ►Tatarika” orkestrı Qazaqstanda da ürnäk ►Yaña tatar pyesası 2007" bäygese büläge öçen 39 äsär yarıştı ►Roald Säğdiev tamırların barlıy

►“Gorpeçat”: Bez zıyanğa eşli almıybız

1 apreldän «Gorpeçat» kiosklarında “Watanım Tatarstan” häm tağın berniçä räsmi tatar ğäzetı satılmıy başlıy. Qayber tatar gazeta häm jurnallarınıñ «Gorpeçat» kiosklarınnan alınu mömkinlege turında xäbär itkän idek. Başqa redaksialärgä xezmättäşlekne tuqtatu mömkinlege, çaralar kürü kiräklege turında kisätü xatları cibärelgän. “Azatlıq” bu mäsäläne öyrängändä, matbuğatnı taratuçı şuşı çeltär wäkilläre añlatmalar birüdän baş tarttı. Xäzer şirkät citäkçelege waqıt tabıp, “Azatlıq”qa üz qaraşın citkerergä buldı.

“Gorpeçat” oyışmasınıñ başqarma direktorı Gölnara Artamonova, Tatarstanda çığa torğan barlıq matbuğattan 10 basma belän xezmättäşlekne tuqtatu xäbären rasladı häm alarnı satudan alu säbäplären bolay añlattı:

Çeltärneñ Qazanda 121 kiosqı bar. Zurraq kiosklar quyu, sannarın arttıru - älegä mömkin tügel, di “Gorpeçat” oyışmasınıñ başqarma direktorı.

Gölnara xanım, milli matbuğatnı taratu, alarğa reklam yasaw – kiosklar çeltäre wazıyfası tügel di. Ul, bu basmalarnı näşer itüçelärne üzlären çaralar kürergä öndi.

Ul, gäzitlärne kire qaytaru maqsatında çeltärgä basım yasaw – mäsäläne xäl itmäs, dip äytä. Ämma, şul uq waqıtta, “Gorpeçat” şähär xakimiatläre belän dä xezmättäşlek urnaştıruğa ömetlänä. Yaña, zurraq kiosklar quyıp bulsa, alarda bälkem fayda kitermägän, ämma cämğıyät öçen kiräkle bulğan matbuğatqa da urın tabılır ide, di “Gorpeçat” çeltäre citäkçese Artamonova.

Köndälek häm citdi milli basmalarnıñ kiosklarğa meñlärçä tirajlarnıñ bik keçkenä öleşe genä çığarıla. Qalğanı - poçta aşa, abunäçelärneñ öylärenä ük citkerelä.

--------------------------------------------------------------------------------------------

►Tatarika” orkestrı Qazaqstanda da ürnäk


.
Qazan däwlät konservatoriäseneñ “Tatarika”- tatar muzıkası orkestrı Astanadan “Milli orkestrlarnıñ ikençe xalıqara festivale”nnän qayttı.

Bu çarada orkestr başqa äsärlär belän berrättän Färit Yarullinnıñ “Şüräle” baletınnan Söyembikäneñ tuyda biüe öleşen dä başqardı. “Monda Qırım tatarları, Europa, Latin Amerikası köyläre häm tatar klassikasın da uynadıq”,- di skripqaçı, konservatoriä dotsentı Lenar Ayqayıv. Äñgämägä Qazan däwlät konservatoriäse süzçese Waxit Şäripov ta kilep quşıldı.

Bu ikençe festivaldä Qazaqstan yağınnan 4 professional orkestr häm çittän Qazan belän Novosibirski törkeme qatnaşsa, berençe festivalgä Astana böten Urta Aziä: Qırğızstan, Törekmänstan, Tacikstan, Üzbäkstan häm Qazaqstan orkestrların üzenä cıyğan bulğan.

Bu yulı “Tatarika” profesionallar arasında berdän-ber studentlar törkeme buluına qaramastan, festivalneñ iñ yuğarı bäyäsen alğan. “Qararğa kilgän tatarlar da bik küp ide. Alar tatar köylären işetep quandı”,- di Lenar Ayqayıv. Räşit Wahapov isemendäge soñğı xalıqara bäygedä yuñ yuğarı bäyä alğan Qazan konservatoriäse studentı Filüs Qähirov häm uzğan yıl İtaliadä aqqordionçılar bäygesendä Gran-pri yawlap dönyanıñ iñ yaxşı aqqordionçısı bulıp tanılğan Almaz Äxmätcanov çığışın da tamaşaçı Tatarstannıñ üzençälekle ber bizäge bularaq qabul itkän.

Orkestrda berençedän bişençegä qädär barı tik studentlar ğına uynıy. Rinat Xalitov äytüençä, bügenge köndä yaxşı muzıkantlar defitsit. Betergännär qayda da üz urının taba. “Qazan nurı”ansamblendä, Cır-biü ansambleneñ orkestrında uynawçılarnıñ küpçelege Qazan däwlät konservatoriäsendä uqıp tatar muzıkası orkestrında çınıqqannar.

Rinat XalitovKonservatoriagä yaña kilgännärne uqu, imtixan sınawları ğına kötmi, “Tatarika”nıñ yaña icadi plannarı da qarşı ala. “Yaña uqu yılında “Başmağım” spektaklen quyarğa cıyınabız”,- di Rinat Xalitov.


--------------------------------------------------------------------------------------------

►Yaña tatar pyesası 2007" bäygese büläge öçen 39 äsär yarıştı


G.Kamal teatrı säxnäsendä bäygedä ciñüçe äsär quyılırğa mömkin
27 mart kiçendä, Qazanda “Yaña tatar pyesäsı 2007" bäygesenä yomğaq yasala. Bu uñaydan G.Kamal tatar drama teatrında tantanlı cıyılış ütärgä tieş.

39 qatnaşqan äsärdän 10-sı saylap alınğan. Alarnıñ isemnäre häm autorları älegä bilgele tügel.

Bäygedä tanılğan häm bilgele bulmağan dramaturglar bertigez däräcädä qatnaşa aldı. Autorlar üz äsärlären uylap çığarılğan isemnär astında täqdim itte.

Älegä bäygeneñ bülägen “Lyustra”, “Mıltıq”, “Bıltır qızı”, “Täxet” häm başqa isemdäge küpsanlı äsärlärneñ däğwä itüe bilgele.

Aldağı yıllarda ütkärelgän bu bäygedä berniçä tapqır bilgele dramaturg Tufan Miñnullin ciñgän ide.

Aña bäygeneñ jyürisında qatnaşırğa täqdim itelde. Ämma ul bäyä birü eşendä qatnaşudan baş tarttı. Şulay da bäygedäge ber äsärgä dramaturg Tufan Miñnullinnıñ maxsus büläge tapşırılaq.

Şulay uq, Mädäniät ministrlığı, başqa oyışmalar da oşatqan äsärlärne ayırım büläkli.

“Yaña tatar pyesäsı” bäygese bişençe yıl rättän, tatar dramaturgiasen üsterü maqsatında ütkärelä. Bäygedä ciñüçe autorğa aqçalata büläk birelä, äsären respublika teatrlarında säxnäläşterü wäğdä itelä.

--------------------------------------------------------------------------------------------

►Roald Säğdiev tamırların barlıy


Tanılğan ğälim Roald Säğdiev belän Tatar Kongressı binasında ütkän oçraşu

Tanılğan ğälim Roald Säğdiev belän Tatar Kongressı binasında ütkän oçraşu
27 martta dönya küläm tanılğan tatar ğälime Roäld Säğdiev Bötendönya tatar kongressında qunaqta buldı. 27 martta dönya küläm tanılğan tatar ğälime Roäld Säğdiev Bötendönya tatar kongressında qunaqta buldı. Kongress äğzaları, deputat häm fännär akademiase ğälimnäre ölkän ostaznıñ Tatarstannıñ suverenlığı, latin grafikasına bäyle fikerlären beldelär.

Aldağı könnärdä Roald Säğdievnıñ Tatarstan prezidentı Mintimer Şäymiev belän oçraşuın xäbär itkän idek inde. Anı bu könnärdä oçraşularğa yış däşälär, 26 martqa tanılğan ğälimne Qazan üzägendäge Bötendönya tatar kongressına qunaqqa çaqırdılar häm ul bik rizalaşıp täqdimne qabul itte. Bu xaqta Roäld Säğdiev belän oçraşunı başlap cibärüçe kongress citäkçese Rinat Zaqirov äytte. Ul östäl artında utıruçı kongress wäkilläreneñ qısqaça eşçänlege belän häm başqa kilgän qunaqlar belän tanıştırğaç, dönyaqüläm tanılğan ğälimgä Qol Şärif mäçete räseme, tübätäy büläk itte. Annan süz qunaqnıñ üzenä birelde.

Roäld Säğdiev rus telendä söyläde. Süzen ul 80 yıllar axırındağı tarixlarnı iskä töşerüdän başladı. Ul waqıtta anı Ğorbaçev ğälim bularaq yuğarı däräcädä qabul itkän bulğan, annan inde Säğdievneñ fikerläre Yeltsin yağına yaqınaya başlağaç, ğälimne iğtibar üzägennän çitläşterälär.

Tanılğan ğälim latina mäsäläsenä dä qalğılıp aldı. Anıñ Putin belän bulğan oçraşuında bu xaqta süz bulğan, Rusiä prezidentı latin grafikasına qarşı buluın äytkän.

Kongressta Roäld Säğdiev belän oçraşu istälekkä fotoğa töşü häm çäy tabını artında duslar belän ğapläşep tögällände.
XS
SM
MD
LG