Оренбурдагы урыс бәйрәмендә татарлар да катнашты

8 июльдә Оренбур төбәгенең Александр районында XIII урыс фольклор бәйрәмендә районның татар авыллары да катнашты. Гадәт буенча, районның төрле милләтләре катнашып, һәрберсе үз җыр-биюләрен, гореф-гадәтләрен күрсәтте. Ягъфәр, Тукай, Султакай авылларының чын татар утарларына охшатып эшләнгән йортлары тирәсендә иртәдән кичкә кадәр гармун тавышы, җыр-моң яңгырап торды. Аларның һәрберсе кечкенә музейны хәтерләтте. [Фирүзә Әпсәләмова фотолары]