Кырым низагы. Вакыйгалар дисбесе

БМО иминлек шурасында Кырымга багышланган утырыш тәмамланды. Анда кырымтатар лидеры Мостафа Җәмилев һәм Кырым журналисты Валентина Самар катнашкан. Ябык ишекләр артында узган очрашу турында журналистларга Литваның БМОдагы вәкиле Рита Казрагиене сөйләде. Аның сүзләренчә, утырышта Кырымда кеше хокуклары һәм сүз иреге торышы тикшерелгән. Җәмилев кырымтатарларның үз референдумын үткәрү нияте булуын әйткән. Русия һәм тагын берничә ил утырышта катнашудан баш тарткан. [ВИДЕО]

ҖӘМИЛЕВ БМОДА--

31 мартта Казан вакыты белән сәгать 23.00тә кырымтатар халкы лидеры Мостафа Җәмилев БМО иминлек шурасы утырышында чыгыш ясаячак.

КЫРЫМДА ТАТАРСТАН ВӘКИЛЛЕГЕ АЧЫЛДЫ--

Татарстан президенты карары белән Кырымда республиканың даими вәкиллеге эшли башлады.
Вәкиллекне Илмир Тимергалиев, Кырым вице-премьеры Рөстәм Тимергалиевнең әтисе җитәкләячәк. Бу хакта президентның матбугат хезмәте хәбәр итә.

ПАСПОРТ ЯНДЫРУ [ФОТО]--

Шулай да була..

КЫРЫМГА МЕДВЕДЕВ КИЛДЕ--

Акмәчеткә Русия премьер-министры Дмитрий Медведев килде. Бу хакта ул үзенең Твиттерында хәбәр итә. Премьер Кырымның үзешчән хакимияте белән ярымутрауны үстерү турында фикер алышачак.

30 мартта Мәҗлес рәисе Рефат Чубаровның әтисе Абдураман Чубаров 84 яшендә вафат булды. Бу хакта хәбәр Мәҗлес утырышы вакытында килде. Утырыш туктатылды.

Мәҗлес Кырымның танылмаган хакимиятенә кырымтатар вәкилләрен юллау мәсьәләсен карый башлады. Хәзергә исемлектә дүрт нәмзәт бар: Ленур Ислямов, Заур Смирнов, Ремзи Ильясов, Сафуре Каджаметова.

Кырымтатар халкы корылтаеның шимбә көнне узган чираттан тыш җыены берничә карар кабул итте. Шуларның иң мөһиме – кырымтатар халкының Кырымда төп халык буларак үзбилгеләнү турындагы карар.

Кырымның үзешчән хакимиятендә катнашу-катнашмау мәсьәләсен корылтай Мәҗлес карамагына калдырды. Бу мәсьәләне Мәҗлес якшәмбе тикшерергә җыена.