Accessibility links

сишәмбе, 6 декабрь 2016, Казан вакыты 08:48

Törkmänstan keşe xoquqları aktivistların häm çit il keşelären süz berläşterüdä ğäyepläde


Törkmänistannıñ İminlek Xezmätkärläre ilne totrıqsızlandırunı maqsät itep quyğan oppozitsion süz berläşterüne faş itkän buluların belderdelär. Milli İminlek Minitsre Geldımuxammed Aşirmuxammedov Düşämbedä televideniädä yasağan çığışında süz berläşterüdä çit il keşeläre häm diplomatlar da qatnaşqan dip belderde.

Aşirmuxammedovnıñ bu belderüennän elegeräk uzğan atna azağında ike keşe xoquqları aktivistınıñ häm Azatlıqnıñ Törkmän redaksiäseneñ ştattantış xezmätkäreneñ Aşxabatta qulğa alınğan buluları mäğlum buldı. Alar üzäge Bolgarstada bulğan Törkmän Helsinki Fondınıñ ağzaları Annakurban Amanklıçev häm Yelena Ovezova häm radiobıznıñ ştattantış xezmätkäre Ogulsapar Muradova. Törkmän Helsinki Fondı räisäse Tacigul Begmedovanıñ qaynı Sapardurdı Xaciev ta qulğa alınğan. Däşämbedä isä xäbärçebezneñ üsep citkän öç balası Sana, Maral häm Berdı da qulğa alınğannar. Älegä alarnıñ berse dä irekkä çığarılmadı. Londondağı Ämnisti İnternatinal Oyışması qulğa alularnı xökem itte. Ä inde Törkmän Helsinki Fondı qulğa alınğannarnıñ cäberlängän buluları ixtimal digän belderü belän çıqtı. Belderüdä tağı Muradova üz tuğannarı belän söyläşep alarğa komputor , käräzle telefon häm faks cihazın xakimiätlärgä tapşırsınnar dip äytkän. Tuğannarı anıñ tauışı aynıq häm açıq tügel ide dip tä beldergännär. Fond citäkçese Bolgaristannıñ Varna şähärennän torıp, radiobızğa bu xaqta bolay dide

"Amanklıçovnıñ tuğannarı ul totılğan bina aldında torğanda bu eştä qatnaşı bulmağan Eçke Eşlär Ministere xezmätkärennän anı xälen soraşqannar. Ul alarğa anı tanımazsız. Öç tävlek ber tutqatusız sorauğa tartılğannıqtan, ul tanılmaslıq xäldä digän."

Milli İminlek ministere Aşirmuxammedov prezident Niyazev citäklägän xökümät utırışında yasağan çığışında Amanklıçevneñ qulğa alınuı süz berläşterüne faş itügä yardäm itte dip belderde.

"Annakurban Atabaloviç qulğa alındı . Aftomobilendä ütkärelägn tentüdä berniçä qoral häm amunitsiä tabıldı."

Ä inde Türkmän Helsinki Fondınıñ 18-nçe iyündäge belderüendä bilgesez şäxes Amanklıçevneñ maşinasına eçtälege bilgesez paket taşladı dielgän ide. Milli İminlek Ministere çit illärdäge oppozitsionerlarnı Törkmänistanda ezlilär häm alar süz berläşterüdä ğäyeplänälär dip belderde. Ul Üzäk Bankınıñ elekke citäkçese Xudayberdi Orazovnı , Törkiädäge elekke ilçe Nurmuxammed Xanamovnı , elekke tışqı eşlär ministere Avdı Kulıevne häm öç yıl elek Törkmänistanda törmädä cafalanıp üterelgän keşeneñ enese Paraxat Iqlımovnı isemnäre belän telgä aldı. Aşirmuxammedovnıñ süzlärençä, süz berläşterüdä Fond räisäse Begmedova häm anıñ ire üzäk bankınıñ elekke räis urınbasarı Annadurdı Xajiev ta qatnaşqan.

"Alar Törmänistanda mäğlümät çıu häm sabotajğa üyrätü häm Äfilsun revolutsiäse metodlarınn añlatu öçen Amanklıçevne Ukrainağa çaqırdılar."

Begmedova bu ğäyeplävlärne qätği kire qaqtı. Milli İminlek minitsere Könbatış keşeläre dä süz berläşterüdä qatnaşqan buluda şiklänelä dip äytte. Ul fransuz diplomatların häm Britan vatandaşların telgä aldı. Xätta Yevropa İminlek häm Xezmätätşlek Oyışmasınıñ regional väkilen dä şiklelär isemlegenä kertte. Anıñ süzlärençä, bu raslanğan xäldä. missiälärgä bu xaqta räsmi räveştä beldereläçäk. Franus İlçelege häm Fransiäneñ tışqı eşlär ministerlege älegä bu ğäyeplävgä reaksiä kürsätmäde.

Färit İdelle, Praga.
XS
SM
MD
LG