Annan İzrailne inde berniçä kön buyı Libannı blokadalawnı tuqtatırğa çaqırıp kilde. Ämma çärşämbe könne Annan Yerusalimda premyer ministr Ehüd Olmert belän oçraşqanda İzrail anıñ möräcäğäten açıq itep kire qaqtı.
Olmert Xizbullağa qoral taşunı tuqtatu öçen Libanğa xalıqara köçlär kertelgänçegä qädär blokadanı yomşartu bulmıyaçaq dide.
Bu Libanğa östämä 13 meñläp xalıqara xärbi kertü öçen şartlarnı yaxşırtu maqsatında Yaqın Könçığış illäre buylap säfärdä yörüçe Annan aldında torğan qayber qıyınlıqlarnı kürsätä.
Annan töbäktäge illär arasında xezmättäşlekne nığıtırğa tırışqanda küp kenä illär berençe itep üz şartların quya.
Çärşämbe könne ul Libanda atışlarnı tuqtatu turındağı 1701-nçe BMO rezolütsiäsen barlıq taraflar da tulısınça ütämi torıp atışlarnıñ yañartıluın buldırmıy qalu mömkin tügel dide.
"1701-nçe rezolütsiä härnärsäne açıq itep bilgeli. Bu telägän närsäne genä alıp bula torğan tabın tügel. Bez anı tulısınça tormışqa aşırırğa tieşbez" dide Annan.
Annan şulay uq İzrail belän Xizbulla arasında 34 könlek suğışnı başlap cibärgän Xizbulla qulındağı 2 izraille totqın mäs''äläsen çişüdä dä äle uñışqa ireşä almadı. Xizbulla alarnı barı tik İzraildäge libanlı häl fälestinle totqınnar qaytarılğannan soñ ğına azat itäçägen belderde.
Ämma Olmert tağın ber märtäbä alarnıñ berşartsız qaytarıluın taläp itte.
"1701-nçe resolütsiäne ğämälgä quyunıñ bik möhim öleşe totıq itep alınğan İzrail soldatları Ehüd Goldwasser belän Eldad Regevnı qaytaru. Bu öleşe ütälmi torıp 1701-nçe resolütsiä tulırınça ütälgän sanala almıy" dide Olmert.
Tağın ber mäs''älä Libannan İzrail ğäskärlären tulısınça çığaru. Sişämbe könne İzrail saqlanu ministrı Amir Perets İzrail üz ğäskärlären anda citärlek sanda xalıqara köçlär kertelgännän soñ çığaraçaq dide. Ämma ul citärlek digänne san belän äytmäde.
Annan Min xökümätlär belän anda BMO tınıçlıq köçlären mömkin qädär tizräk arttıru turında eş alıp baram. Xäzer anda 2500 xärbi bar. Aldağı könnärdä häm atnalarda bez alarnıñ sanın 2 märtäbä arttırıp 5000-gä citkerergä cıyınabız. Min bez monıñ belän şäğellängändä İzrialneñ çigenüe däwam itär häm bez moña inde ireşkändä İzrail ğäskärlären tulısınça çığarıp betergän bulır dip ömetlänäm dide.
Annan "atışlarnı tuqtatu kileşüe axır çiktä İzrail belän Liban arasında tınıçlıq kileşüenä kiterer dip ömetlänüen dä äytte. Ämma Liban premyer ministrı Fuat Simiora Liban İzrail belän tınıçlıq kileşüen ğäräp illäre arasınnan iñ soñğı bulıp imzalıyaçaq" dide.
İzrail häm Fälestin cirlärennän soñ BMO general sekretare Abdulla patşa belän oçraşu öçen Ürdüngä kilde. Ul şulay uq Süriädä ädä bulaçaq. Şimbä könne ul Tähranda İrannıñ atom programmasına bäyle xalıqara krizis turında söyläşäçäk.
Naif Aqmal, Praga.
Olmert Xizbullağa qoral taşunı tuqtatu öçen Libanğa xalıqara köçlär kertelgänçegä qädär blokadanı yomşartu bulmıyaçaq dide.
Bu Libanğa östämä 13 meñläp xalıqara xärbi kertü öçen şartlarnı yaxşırtu maqsatında Yaqın Könçığış illäre buylap säfärdä yörüçe Annan aldında torğan qayber qıyınlıqlarnı kürsätä.
Annan töbäktäge illär arasında xezmättäşlekne nığıtırğa tırışqanda küp kenä illär berençe itep üz şartların quya.
Çärşämbe könne ul Libanda atışlarnı tuqtatu turındağı 1701-nçe BMO rezolütsiäsen barlıq taraflar da tulısınça ütämi torıp atışlarnıñ yañartıluın buldırmıy qalu mömkin tügel dide.
"1701-nçe rezolütsiä härnärsäne açıq itep bilgeli. Bu telägän närsäne genä alıp bula torğan tabın tügel. Bez anı tulısınça tormışqa aşırırğa tieşbez" dide Annan.
Annan şulay uq İzrail belän Xizbulla arasında 34 könlek suğışnı başlap cibärgän Xizbulla qulındağı 2 izraille totqın mäs''äläsen çişüdä dä äle uñışqa ireşä almadı. Xizbulla alarnı barı tik İzraildäge libanlı häl fälestinle totqınnar qaytarılğannan soñ ğına azat itäçägen belderde.
Ämma Olmert tağın ber märtäbä alarnıñ berşartsız qaytarıluın taläp itte.
"1701-nçe resolütsiäne ğämälgä quyunıñ bik möhim öleşe totıq itep alınğan İzrail soldatları Ehüd Goldwasser belän Eldad Regevnı qaytaru. Bu öleşe ütälmi torıp 1701-nçe resolütsiä tulırınça ütälgän sanala almıy" dide Olmert.
Tağın ber mäs''älä Libannan İzrail ğäskärlären tulısınça çığaru. Sişämbe könne İzrail saqlanu ministrı Amir Perets İzrail üz ğäskärlären anda citärlek sanda xalıqara köçlär kertelgännän soñ çığaraçaq dide. Ämma ul citärlek digänne san belän äytmäde.
Annan Min xökümätlär belän anda BMO tınıçlıq köçlären mömkin qädär tizräk arttıru turında eş alıp baram. Xäzer anda 2500 xärbi bar. Aldağı könnärdä häm atnalarda bez alarnıñ sanın 2 märtäbä arttırıp 5000-gä citkerergä cıyınabız. Min bez monıñ belän şäğellängändä İzrialneñ çigenüe däwam itär häm bez moña inde ireşkändä İzrail ğäskärlären tulısınça çığarıp betergän bulır dip ömetlänäm dide.
Annan "atışlarnı tuqtatu kileşüe axır çiktä İzrail belän Liban arasında tınıçlıq kileşüenä kiterer dip ömetlänüen dä äytte. Ämma Liban premyer ministrı Fuat Simiora Liban İzrail belän tınıçlıq kileşüen ğäräp illäre arasınnan iñ soñğı bulıp imzalıyaçaq" dide.
İzrail häm Fälestin cirlärennän soñ BMO general sekretare Abdulla patşa belän oçraşu öçen Ürdüngä kilde. Ul şulay uq Süriädä ädä bulaçaq. Şimbä könne ul Tähranda İrannıñ atom programmasına bäyle xalıqara krizis turında söyläşäçäk.
Naif Aqmal, Praga.