Accessibility links

җомга, 9 декабрь 2016, Казан вакыты 10:48

Mäskäwdän Gruziä sportçısı quıldı


Gruziäneñ iñ tanılğan timerayaqta näfis şuuçısı Elene Gedevanişvili sport ğömereneñ küpçelek öleşen Rusiäle uqıtuçısı yanında Mäskäwdä ütkärgän. Ämma anıñ bu tormışına şuşı atnada säyäsät kilep kerep çik quydı.

Anasınıñ dokumentlarında citeşsezleklär tabılıp Rusiädän deportasiälänüe säbäple Elene da 16 üktäberdä Tifliskä oçarğa mäcbür buldı. Tuğan ilendä hawa alanında anı prezident Mixail Saakaşvili qaharman bularaq qarşıladı. Tantanalı räweştä tanılu ordenı tapşırdı.

"Minemçä bu Rusiä öçen zur yuğaltu, ämma Gruziä öçen fayda bulaçaq. Rusiä hawa alannarında Gruziädän quıp çığarılğan şpionnarnı tantanalı räweştä qarşılıylar. Bez isä Rusiädän quıp çığarılğan çempionnarnı bäyräm belän qarşılıybız. Bu bezneñ belän alar arasındağı ayırma. Min çempionıbızğa iñ yuğarı däwlät bülägen tanılu ordenın birergä telim."

Şulay itep Elene bu däräcäle büläkne alğan iñ yäş keşe buldı. Qıznıñ anası soñğı könnär turında tınıç qına söyli almıy. Qızı belän künegülärdän qaytıp kilgändä alarnı Mäskäwdä milisiä tuqtatıp pasportın tikşerä başlıy. Gruzinnarğa qarşı çaralar turında belgän ana keşe – şunda uq milisiägä döresen, üzeneñ pasportta terkälgän adresta yäşämäwen äytä.

"Alar ata-analarğa balaları aşa çığa. Ägär dä ata-ananı quarğa kiräk ikän, balası da alar belän kitergä mäcbür bula bit. Elene belän dä näq şul uq xäl kilep çıqtı. Alarnıñ bezne tuqtatuı – oçraqlı ide, ämma belüemçä alar böten gruzinnarnı tuqtata. Minem pasportta alar – ozaq yıllar döres bulğan, xäzer genä döreslekkä turı kilmägän ber mäğlümat tabıp soraw ala başladı. Şuña kürä min turıdan turı – anda yazılğan adresta yäşämägänemne äyttem."

Gedevanişvili häm anıñ änise milisiädä 4 säğät utırğannar. Alarnı irekkä çığarırğa Elenenıñ trenerı yardäm itkän. 2 könnän – deportasiälärgä digän tamğa suğılğan pasport kire iäsenä qaytarılğan, häm alar 10 kön eçendä ildän kitergä tieş bulğan. Sportçı Elene älbättä Mäskäwdä üze genä dä qalğan bula alır ide. Ämma Qıtay kubogına xalıqara sport yarışlarına äzerlänergä 3 atna waqıt qalğanda, Elene, äniseneñ yağına basım şuırğa urını bulmağan Gruziägä qaytıp kitte.

"Alar minem äniemne deportasiälädelär, häm min monda üzem genä qala almıym. Şuña kürä min dä kitergä buldım, künegülärne min Tallinda däwam itäçäkmen."

Ömetle sportçı Elen Gedevanişvilinı anıñ trenerı Yelena Vodorezovadan säyäsät ayırır dip ber kem dä kötmägänder. Ämma üz uquçısınıñ Estoniägä kitüen trener xanım da xupladı. Tallinda Elen şulay uq tanılğan elekke sovet sportçısı Anna Kondraşova qaramağında äzerlänäçäk.

18 üktäberdän 19zına qadär Gruziäneñ Batumi şähärendä ütäçäk şaxmat yarışlarına Rusiä sportçıları iminlek säbäplärennän barmasqa qarar itkän.

Alsu Qormaş
XS
SM
MD
LG