2001 yılda Amerikan prezidentı George Bush "min Putinnıñ küzlärenä qaradım da, bu keşe belän eşläp bulğanın añladım" digän mäşxür süzlären äytkännän soñ, 5 yıl waqıt ütte, Washington belän Mäskäw araları şaqtıy suınıp ölgerde. Xäzer Kongressta xakimiätkä demokratlar kilgännän soñ, mönäsäbätlär yaxşırırmı, ällä kiresençä, tağı da naçarlanırmı digän sorawğa Yejenedelnıy jurnal küzätüçese Aleksandr Golts bolay dide:
"Minemçä, mönäsäbätlär suınır. Kongressnı kontrol itkän demokratlar Rusiäneñ ike töp telägen qänäğätländer dip kötüe qıyın."
Golts telgä alğan ike teläk – Jackson-Venik tözätmälären köçtän çığaru häm Rusiäneñ Dönya Säwdä Oyışmasına kerüen xuplaw.
Washington belän Mäskäw araları suınır dip äytergä tağın şul da nigez birä – Putin säyäsätenä kisken täniqt belderep kilgän berniçä tanılğan demokrat Kongressta yuğarı urınnarğa menep utıraçaq. Misal öçen kongressmen Tom Lantos Wäkillär pulatınıñ xalıqara mönäsäbätlär komitetın citäklär dip kötelä. Lantos elek tä Rusiädä keşe xoquqları bozıla, mondıy il Zur 8lektä äğza bulıp tora almıy dip kilde. Xäzer ul bu tänqitlären yuğarıraq mönbärdän äytä alaçaq, äytep kenä qalmıy, konkret ğämällär qıla alaçaq di Aleksandr Golts:
"Rusiä citäkçeläreneñ üzläre isemenä äytelgän här tänqitne global süz berläşterü, Rusiäne kimsetü, tezländerü niäte dip qabul itkänen iskä alsañ, mönäsäbätlärneñ tağı da suınıun kötergä kiräk."
Yarıy, ä demokratlarnıñ ciñüe häm dä Pentagon başı Donald Rumsfeldnıñ urınınnan kitüe Washington belän Mäskäwneñ xalıqara mäsälälärdä xezmättäşlegenä, şul uq İran, Tönyaq Korea mäsälälärendä xezmättäşlegenä nindi yoğıntı yasar, digän sorawğa Aleksandr Golts:
"Bu mäsälädä ällä ni yoğıntı bulmas, çönki Bush administratsiäse belän dä qarşılıqlar citärlek ide. Anda inde suınırğa urın yuq."
Yejenedelnıy jurnal basmasınıñ säyäsi häm xärbi küzätüçese Aleksandr Golts Quşma Ştatlar-Rusiä mönäsäbätläreneñ kiläçägen menä şulay farazlıy.
Ali Ğilmi
"Minemçä, mönäsäbätlär suınır. Kongressnı kontrol itkän demokratlar Rusiäneñ ike töp telägen qänäğätländer dip kötüe qıyın."
Golts telgä alğan ike teläk – Jackson-Venik tözätmälären köçtän çığaru häm Rusiäneñ Dönya Säwdä Oyışmasına kerüen xuplaw.
Washington belän Mäskäw araları suınır dip äytergä tağın şul da nigez birä – Putin säyäsätenä kisken täniqt belderep kilgän berniçä tanılğan demokrat Kongressta yuğarı urınnarğa menep utıraçaq. Misal öçen kongressmen Tom Lantos Wäkillär pulatınıñ xalıqara mönäsäbätlär komitetın citäklär dip kötelä. Lantos elek tä Rusiädä keşe xoquqları bozıla, mondıy il Zur 8lektä äğza bulıp tora almıy dip kilde. Xäzer ul bu tänqitlären yuğarıraq mönbärdän äytä alaçaq, äytep kenä qalmıy, konkret ğämällär qıla alaçaq di Aleksandr Golts:
"Rusiä citäkçeläreneñ üzläre isemenä äytelgän här tänqitne global süz berläşterü, Rusiäne kimsetü, tezländerü niäte dip qabul itkänen iskä alsañ, mönäsäbätlärneñ tağı da suınıun kötergä kiräk."
Yarıy, ä demokratlarnıñ ciñüe häm dä Pentagon başı Donald Rumsfeldnıñ urınınnan kitüe Washington belän Mäskäwneñ xalıqara mäsälälärdä xezmättäşlegenä, şul uq İran, Tönyaq Korea mäsälälärendä xezmättäşlegenä nindi yoğıntı yasar, digän sorawğa Aleksandr Golts:
"Bu mäsälädä ällä ni yoğıntı bulmas, çönki Bush administratsiäse belän dä qarşılıqlar citärlek ide. Anda inde suınırğa urın yuq."
Yejenedelnıy jurnal basmasınıñ säyäsi häm xärbi küzätüçese Aleksandr Golts Quşma Ştatlar-Rusiä mönäsäbätläreneñ kiläçägen menä şulay farazlıy.
Ali Ğilmi