Accessibility links

шимбә, 10 декабрь 2016, Казан вакыты 02:21

İrandağı saylawlar Äxmädinecad öçen berençe sınaw buldı


İranda, cirle munisipal şuralarğa häm Belgeçlär Şurasına bulğan saylawlarğa yomğaq yasıylar. Berençe näticälär şunı kürsätä, Prezident Mäxmüt Äxmädinecadnıñ tarafdarları saylawlarda ciñelep bara. Analitiklar fikerençä, 18 ay buyı citäkçelektä bulğannan soñ, bu saylawlar, İran prezidentı öçen berençe sınaw bulıp tora.

Saylawlarnıñ tögäl näticäläre äle bilgele tügel, ämma xäzer uq konservativ qaraşata toruçı ämma progmatik bulğan Ali Akbar Hashemi- Rafsanjaninıñ alda baruı kürenä. Ütkän yılğı prezident saylawlarında ul Mäxmüt Äxmädinicadqa ottırgan bulğan. Rafsanjani 1,3 millionan kübräk tawış ciyğan häm Belğeçlär Şurasına isemlekneñ başında tora. Rafsanjaninıñ töp köndäşe, Mohammad Taghi Mebah Yazdi, Prezident Axmädinecadnıñ ostazı. Ul Rafsanjanidan küpkä artta qalıp bara, ämma Yazdığa birelgän tawışlar sanı, aña Belgeçlär Şurasında urınnı saqlap qalırğa mömkinlek birä.

Qayber küzätşelär Rafsanjaninıñ uñışın tawış birügä 60% saylawçılarnıñ kilüe häm reformalar yaqlı başqa nämztälärneñ saylawlardan töşerelüe belän añalata.

Başqa belğeçlär, Rafsanjaniga tawış birgänän keşelär, çınlıqta Axmadinecad häm anıñ säyästenä rizasızlıq beldergän, digän qaraşta tora. Tährandağı säyäsi fännär belgeçe Sadegh Zibakalam radiobızğa bolay dide:

Minem uylawımça, Rafsanjani öçen tawış birü Axmadinecadqa qarşılıqnı kürsätä, çönki anıñ tışqı häm eçke säyäsäte Rafsanjani beldegän qaraşlarnıñ näq kirese.”

Xäbärlärgä qarağanda, İrannıñ ruxi citäkçese Ayatollah Ali Khamenei Rafsanjanığa teläktäşlek kürsätä. Çönki bu şäxes aña qadimi islamçılarnıñ täesiren çiklärgä häm islam cämäğätçelegendäge törle törkemnär arasında balans saqlaw maqsatına ireşergä mömkinek birä.

Qayber saylawçılar, tawış birü demokratik tügel dip, saylawlarda qatnaşmadı. İrannıñ küzätüçelär Şurası, nämzätlärneñ öçtän ike öleşen saylawlardan töşergän ide.

Cirle munisipal şuralarğa ütkärelgän saylawlarda da Ahmädinecad tarafdarları küpçelek tawış ciña almağan. Başqala Tähranda ütkän saylawlarda şul uq xäl, anda Tähran başlığı Mohamad Bagher Qalibaf yaqlı nämzätlär şähär şurasnda 15 urınnıñ 7sen ala aldı. Axmadinecad da zamanında Tähran şähär başlığı bulğan.

Tährandağı kürenekle jurnalist Mashaollah Shamsolvaezin, radiobızğa, saylaw näticäläre Ähmädincad säyäsäte belän rizasızlıqnıñ artuın kürsätä, dip belderde:

Mähmüd Äxmädinecad häm anıñ tarafdarları cirle şuralarnı üz kontollegenä ala almadı. Bu, İran cämğiäteneñ anıñ säyäsäte belän riza tügellegen kürsätä. Bu kiläçäktä aña qarşılıqqa kiterergä mömkin. Ul tışqı eşlärdä qatı qullı säysät ütkärde, häm eçke eşlärdä wäğdälär birde ämma çınlıqta alarnıñ kiresen eşläde”.

Bikä Timerova
XS
SM
MD
LG