Accessibility links

шимбә, 3 декабрь 2016, Казан вакыты 07:43

Putin ğäräp illärenä säfärgä äzerlänä


Tarixtan kürengänçä, Sovetlar berlege belän Ğäräp illäre arasındağı mönäsäbät törle yunäleştä barğan. 1924 yılda İbn-Sawd Ğäräp yarımutrawında keçkenä xanlıqlar belän suğış alıp barıp, alarnı berläşterä. Bu eştä Sawd Garäbstanında Sovetlar berlege berençe ilçese bulğan Kärim Xäkimov töp rol''ne başqarğan. Anıñ tırışlığı belän bu yıllarda Ğäräp illäre belän Sovetlar berlege arasındağı säwdä mönäsäbätläre buyınça berençe däwlät kileşüe tözelgän. Sovetlar soyuzı il başına Stalin kilgäç, Kärim Xäkimov başqa küp kenä däwlät eşlekleläre sıman üterelä. Bu waqiğadan soñ Ğäräp illäre belän Sovetlar berlege arasındağı dustanä mönäsäbät 50 yılğa özelä.

Ul waqıtta il başçısı, aqıllıraq bulıp, kileşüne özmägän bulsa, bälki bügen, Rusiä ğäräp neft’e xisabına bayıp bik nıq alğa kitkän bulır ide, belgeçlär.

Ser tügel, bügen, küplär ğäräp illäreneñ här yaqtan da otışlı, uñaylı, bay il bulğanın añlıy. Şuña da alar belän dus bulırğa tırışa.

11-13 fevral'' könnärendä Rusiä prezidentı Vladimir Putin Yaqın könbatış illärenä säyäxät qılırğa cıyına. Ul Sawd Garäbstan, Qatar, İordaniä illärendä bulaçaq. Matbuğat bitlärendä, bu oçraşuğa, Vladimir Putinnı, Sawd Garäbstannıñ bügenge padşası Abdulla Ben Abdel'' Aziz Äl'' Sawd 2003 yılnda çaqırğan bulğan. 4ел uzğannan soñ, Rusiä başlığı, bu täqdimne qabul itärgä uylağan. Ni äytsäñ dä bay duslar yulda aunap yatmıy, xäzer.

Rusiä başlığınıñ bu öç däwlätkä berençe genä baruı. Moñarçı ul İzrail'', Pälistin häm Misırda ğına bulğan. Sawd Garäbstan padşası Abdulla Ben Abdel'' Aziz Äl'' Sawd isä Rusiä başlığı belän 2003 yılda oçraşqan. Şuşı könnärdä Er-Riäd şähärendä uzğan brifingta Sawd Garäbstannıñ tışqı eşlär ministrı Sawd äl'' Feysal, 2003 yıldan alıp Ğäräp illäre belän Rusiä arasındağı mönäsäbätlär nıq üste dip belderde. Fevral'' ayında bulaçaq oçraşudan da ike il başlığı barı tik uñay näticälär genä kötä.

Rusiä prezidentı delegatsiäsendäge xatın qızlarğa Sawd Garäbstanında xidca, yäğni möselman xatın qız kiemen kigertmäkçe bulalar. İnde bügen ğäräplär, kreml''gä şaltıratıp, xatın-qız jurnalistlarnıñ yaqınça tän ülçämnären soraştıralar. Äle qayçan ğına, Rusiä pasportına möselman xatın qızlarğa yaulıq kiergä yaramıy ide, xäzer inde xidcab kiergä dä riza, duslar ğına qanägät bulsın. Monnan tış xatın qızlarğa tırnaq buyamasqa, uramda öç xatın qızdan kimräk yörmäskä, möselman kiemen salmasqa digän kiñäş birgännär.

Ğädel Galämetdinov

XS
SM
MD
LG