Accessibility links

дүшәмбе, 5 декабрь 2016, Казан вакыты 23:45

Şağirä Läylä Däülätovanıñ benefisı nik soñarıp başlanıp, yartı töndä tämamlandı?


Qazanda estrada konsertları, mädäni çaralar bik yış ütä. Çığış yasawçılarınıñ ostalığı, programmalarnıñ baylığı, muzıka häm biüçeläreneñ bizäp toruı ber kemne dä ğäcäpländermi. Uzğan düşämbedä iñ berençe milli säxnädä, Qamal teatrı binasında, yäş şağirä häm jurnalist Läylä Däülätovanıñ yaña ğına çıqqan zatlı kitabın täqdir itü mäclese meñgä yaqın keşene cälep itep, törle sorawlar uyattı.

Çınnan da Läylä Däülätova konsertı bernindi ğädäti qalıplarğa sıyarlıq tügel ide. Cır tekstlarınnan torğan kitap bäyrämenä bilet satıp alıp kilüçelär Qamal teatrı binasına sıyıp betä almadılar, xätta balkonnıñ iñ öske öleşendä dä basıp torırlıq urınnar bulmadı.

Qazan universitetınıñ jurnalistika fakul'tetın tämamlağan Läylä Däülätova televideniedä xezmät itü belän ber rättän, şiğriät belän şöğellände. Ğөmerdä bulmağannı ul 25 yäşen tutırğanda Qamal teatrı zalında häm annan da zurraq ber 1000 keşe sıyışlı UNİKS zalında icat kiçäläre ütkärgän Läylä bıyıl üzeneñ şäxsi rekordın uzdırıp cibärde.

Bu yulı cıyılğan xalıq ta, kiçäneñ şiğriät belän tıñqışlap tutırılğan buluı da, Läyläneñ elekke kiçälären uzıp kitte. Sänğät'tä bula torğan cäncal buyınça da ul östenräk ide, çönki şığrım tulı zalda konsert 45 minuttan artıq başlanmıy tordı. Qamal teatrı säxnäsendäge yaqtırtqıçlarnı köyläw küpmegä suzılaçağı bilgesez ide. Yaña ğına remonttan qotılğan Qamal teatrı säxnäsendä yaqtırtqıçlar caylağan çaqta konsertnıñ başlanuı ber säğätkä diärlek totqarlandı. Tamaşaçılar arasında berniçä rayon başlığı, Tatarstan finans ministrı Radik Ğayzatullin, zur şirkät direktorları ber säğät buyı sabır ğına konsert başlanğanın kötep utırdılar

Säğät 19.00dä başlanası konsert sigez tulğanda ğına quzğaldı. Anda da äle başta ekranda ozaq qına sponsorlar reklaması kürsätelde. Xalıq açulanıp, sügenä-sügenä qul çaptı häm…artistlarnı, säxnädäge Läyläne zur iğtibar häm ixtiram belän 3-4 säğät buyı tamaşa qaradı. Çınnan da Qazan tamaşaçısın añlawı bik qıyın. Ul bik kiselgän häm ziräk, ämma sänğät'kä bitaraf tügel.

Läyläneñ benefisında 25 läp populyar cırçı, östäwenä menä digän näfis süz häm biyü ostaları qatnaştı. Bu kiçä Tatar cırı festivalennän ber mısqalğa da qaytış bulmadı dilär. Mälikä, Xämdünä Timerğalieva belän berrättän monda Ufa qunağı, ataqlı drama artistı häm cırçı Fidan Ğafarov saf başqort telendä tirän fikerlär belän çığış yasap, ölkän buın wäkilläre yaratqan iñ populyar cırların başqardı. Qazan tamaşaçısı tel ayırmasın sizmiçä, Fidanğa şaw-gör kilep qul çaptı. Fidan Ğafarovnıñ ulı Azamat tatarça bik matur cır başqarğannan soñ, atalı-ullı Ğafarovlar duetı bigräk tä oşadı.

Läysän Gimayıva, Miñğol Ğaliev, Xäniä Färxi häm başqalarnıñ populyar cırları Läylä şiğerenä yazılğan bulıp çıqtı. Läylä Däülätova qayber cırların üze başqarıp, mäxäbbät turında şiğerlären uqıdı. Konsert tönge säğät unike tulğanda tämamlansa da, zal tulı buldı. İñ qızığı şul, Salawatnıñ şäxsi şağiräse dip sanalğan Läyläneñ konsertında Salawatnıñ qatnaşmawı häm iñ populyar cırlarnı başqarmawı tamaşaçılarğa bötenläy sizelmäde. Xatta Läylä süzlärenä yazılğan « Ğaşıyq itep saqla sin» cırın başqarıp 2006 yılnıñ iñ yaxşı xatın qız cırçı isemen yaulağan Güzäl Urazovanıñ kilä almawı ber niçek tä küzgä taşlanmadı.

Yözdän artıq cır tekstları yazğan häm yözgä yaqın Adäm belän Hawa televidenie tapşıruın töşergän Läylä Däülätova üzeneñ icatı, ixlas şiğır yulları, maturlığı belän üzenä 3–4 säğät qaratıp tora aldı..

Moña qädär teatr binasında lirik şiğerlär kitabınıñ tuyı şundıy zurlap, qul çabularğa kümelgäne yuq ide. Bez konserttan soñ Läylä Däülätova bu xällärneñ seren açıvın soradıq. Onıtıla başlağan Fidan Ğafarovnıñ başqortça çığışın, Salawatnıñ kilmäwe tamaşaçılarnıñ görläp kilüe häm säxnä utınıñ sünüe turında Läylä Däülätova menä närsä söyläde.

Älbättä, här tamaşaçınıñ qızıqsındırğan berençe soraw şuldır – konsert ni öçen totqarlandı? Miña kiçke biştä genä äyttelär, Qamal teatrınıñ utı yanıp çıqtı dip, ul komp'yuterğa bäyle ikän häm anı ber niçek rätläp bulmayaçağı bilgele buldı häm miña säğät biştä äytkännän soñ, tiz arada, qayandır ut kiterergä kiräk buldı. Älbättä inde tiz arada satıp alıp, tabıp häm niçek kenä ölgerergä tırışsalarda, bu 19.00гә ber niçek tä ölgerep betä almadı. Ägärdä bu utnı kitermägän bulsalar, syemka eşläp bulmas ide. Video syemka. Şuña kürä bu totqarlandı, läkin min monda, ğafu itegez, üzemneñ gäyebemne kürmim. Ä, ğomumän alğanda, şuşı xalıqnıñ qırıq minut kötep utıruın iskä almağanda, konserttan, Allağa şöker, min bik qänäğät. Ni öçen. Çönki naçar bulğan bulsa, xalıq unikegä qädär konsert qarap utırmas ide. Qaytıp kitär ide. Monda şul xätle zal şığrım buldı häm şularnıñ tüzep utıruı unikegä qädär! Dimäk, Allağa şöker bulğan dip isäplärgä kiräk. Menä miña üzemneñ assistentım, Al'fira äyteme buyınça, ni di, menä miña ber meñlek aqçalarğa xätle kürsättelär. Kertegez bezne, bez kerergä telibez dip, läkin anda kerü biletı da satıp alırğa mömkin tügel ide, çönki xalıq bolay da artıq küp ide häm kerä almıy qaluçılar da, şulay u, miña üpkälärgä tieş tügel, dip isäplim. Monda minnän ber genä dä äyber tormıy. Berençe yaqtan, min, älbättä, şat şul xätle xalıq bulıwına. Mine böten xalıqta, Salawat üze dä, Salawatnıñ şağiräse dip atıy. Minem üzemä dä bu bik oşıy, läkin ber yaqtan qarağanda Salawatnıñ konsertta bulmawı, şunsı yaxşı – min şäxsi keşeneñ şağiräse bula almıym.

Niçek alay, ber keçkenä şiğer kitabı şulqädär xalıqnı cıyıp, qızıqsınu uyatıp, tawış çığara alğan soñ? Kitap üze yuqa bulsa da, matur bizälgän, bäyäse 200 sum, ä Kamal teatrında ul 150 sumğa satıldı. Konsertqa kerü biletları 100-200 sum. Şuña qaramastan, tamaşaçı zalnı şığrım tutırıp cır häm şiğerne yotlığıp tıñladı. Bügen Läyläneñ üzennän işetüebezçä, xäzer inde ul Salawatnıñ personal' şağire genä tügel, nilär genä bulmıy bu estrada sänğäte dönyasında.

Alik Mäxmütov

XS
SM
MD
LG