Accessibility links

шимбә, 10 декабрь 2016, Казан вакыты 04:07

Kosovо bäysezlek alırmı?


BMOnıñ maxsus ilçese Martti Ahtisaaro, Kosovo statusına qarağan 58 bittä urın alğan täqdimnären uzğan atnada açıp saldı. Ahtisaari bäysezlek süzen qullanudan tıyıldı, çönki qarar qabul itelgänçe, status turında söyläw urınsız bulır, dip belderde. Bügen kilgän xäbärlärgä qarağanda, täqdimnärdä "bäysezlek" digän süz bar. Azatlıq xäbärçese Heather Maher Carn Ross belän söyläşte. Ross – Kosovo xökümätendä soñğı tärräqiätlär turında kiñäşlär burüçe irekle diplomat.

RFE/RL: Ahtisaarineñ Kosovonıñ songı statusı turındağı täqdemnäre xaqında nindi mäğlümätlär bar älegä?

Bez Ahtisaari täqdemnäre belän yaxşı tanış, çönki alar inde bu mäs''älägä qağılışlı ike tarafqa da, kiñ cämäğätçelekkä dä bäyän itelgän ide. Bez, BMO general-sekretarenneñ Ahtisaari täqdimen İminlek Şurasına tapşırganda närsä äytäçägen tögäl belmibez. Älegä añlağan närsäbez şul ğına - täqdemneñ eçtälegen añlatqan xatta açıqtan-açıq Kosovonıñ bäysezlege kiñäş iteläçäk, bu açıq ber närsä, läkin bu dokument äle räsmi bäyän itelmägän, şuña da bez anıñ turında tögäl itep berni dä äytä almıybız.

RFE/RL: Bu dokumentlar tiräsendä bik küp farazlar tudı, bezgä Ahtisaarineneñ şuşı qatlawlı çorda niçek eş itüe turında berär närsä äyta almassızmı?

Bu bik çetrekle mäsälä, ul anı bik iğtibar belän alıp bara, bik mantıqlı häm diqqat belän. Berençe täqdemnären yasagan waqıtta, Serbiäne häm anıñ İminlek şurasındagı dusların borçımas öçen ul üze añlı räweştä bäysezlek süzeñ qullanudan totılıp tordı. Bälki ul bu turıda açıq itep söylär aldından, wazğiätne sınap qarağandır. Läkin bu mäsälä bik näzberek, häm ul bu eştä üzen täcribäle häm cawaplı keşe bularaq kürsätte.

RFE/RL: Serblar häm albannar arasında 10nçı martta uzğan soñğı oçraşuda Kosovo mäs''äläsendä kileşügä ireşelmäde. Ägärdä Ahtisaari täqdime turında xäzer genä bilgele bulğan ikän, ike taraf Vennada tağın närsä turında söyläşte soñ?

Ike yaq, kiläse berniçä atnada İminlek Şurasına cibäreläçäk täqdemnärneñ cämäğätçelekkä iğlan itelgän öleşe turında söyläşte. Bu dokumentlarda äytelgännärneñ bäysez Kosovo turında buluwı bik açıq ide, küptännäñ dönya cämägatçelege fikerendä Kosovo bäysezlekkä bara digän töşençä bar ide inde, läkin bu çiklängän bäysezlek. Misal öçen Kosovoda xalıqara ğaskär qaldıru mäsäläse.

RFE/RL: Xäzer çirattağı adım närsä bulaçaq? Ahtisaari täqdemnäre qaya bara xäzer?

Alga taba BMO general sekretare Ahtisaari isemennän täqdimne İminlek Şurasına tapşıraçaq. Şura täqdimnär turında fiker alışular uzdırıp, tiz arada nindi dä bulsa qararğa kiler digän ömet bar. Şura äğzaları bäxäslärne ozaqqa suzmıy bar täqdimnärne dä xuplar, häm Kosovonıñ statusı nihayät xäl iteler dip ömetlänäm.
XS
SM
MD
LG