Yäkşämbe rizasızlıq çaraları Aziädä ütte inde. New Yorkka da zur demonstratsiä ütä.
Şimbä könne iñ zur demonstratsiälärennän bersendä, Madridta ütkän uram cıyınnda 400 meñläp keşe qatnaşuı turında xäbär itelde. Şularnıñ berse ispan film töşerüçe Pedro Almodovar.
"Buş bu suğışnıñ tiz genä ütäçägen, berniçä atnada tämamlanaçağın äytkän ide. Inde 4 yıl däwam itte. Kön sayın gazetlardan Ğiraqta niçä keşe ülgänlege turında uqu küñelne qaytara häm min üzemne şul qädär köçsez xis itäm. Bu qurqınıç närsä" dide Almodovar.
Şimbä könne Waşingtonda Lafayette parkında, Aq Yort qarşında yözlärçä keşe şämnär totıp piket ütkärde. Alarnıñ kübese suğışqa qarşı xristian törkemnäre wäkilläre ide. Şularnıñ berse Atlantadan kilgän Faith Garlington."Bez xristiannar bularaq anıñ Ğiraqqa bärep kerüen yaqlamıybız. Bez kiçekmästän ğäskärlärneñ çığarıluın telibez. Bez xristian bularaq bu suğışnıñ alla xaqına ütkärelüen telämibez" dide Faith.
Meñnärçä keşe AQŞ Ğiraqtan xäzer çıq ip qıçqırıp Pentagon yanına bardı. Anda şulay uq Vietnam suğışı veterannarınıñ ber keçkenä törkeme dä AQŞ xökümäten yaqlap miting ütkärde.
Ilneñ başqa urınnarında, Hollywoodta suğışqa qarşı uram cıyınında kimendä berniçä meñ keşe qatnaştı. Alar arasında şaqtıy kürenekle şäxeslär dä bar ide. Şularnıñ berse Baldaq xäkime filmı aşa kiñ tanılğan Viggo Mortensen.
"Min monda buluım belän ğorurlanam. Min mondıy çaralarda buldıra alğan qädär küp qatnaşam. Minemçä mondağı keşelärne paranoiklar, yäşeren süz berläşterüçelär törkeme dip sanağan çaqlar ütte. Ğäskärlärne yaqlawnıñ iñ yaxşı yulı alarnı xäzer ük ilgä qaytaru. Bu hiçşiksez açıq" dide Mortensen.
Şuña oxşaş cıyınnan Los Angeles, San Francisco häm başqa şähärlärdä dä ütte.
Tokyo uramnarı buylap 2 meñläp keşe Bushnıñ suğışın tuqtatığız digän şiğarlär kütärep uzdı.
Naif Aqmal
Şimbä könne iñ zur demonstratsiälärennän bersendä, Madridta ütkän uram cıyınnda 400 meñläp keşe qatnaşuı turında xäbär itelde. Şularnıñ berse ispan film töşerüçe Pedro Almodovar.
"Buş bu suğışnıñ tiz genä ütäçägen, berniçä atnada tämamlanaçağın äytkän ide. Inde 4 yıl däwam itte. Kön sayın gazetlardan Ğiraqta niçä keşe ülgänlege turında uqu küñelne qaytara häm min üzemne şul qädär köçsez xis itäm. Bu qurqınıç närsä" dide Almodovar.
Şimbä könne Waşingtonda Lafayette parkında, Aq Yort qarşında yözlärçä keşe şämnär totıp piket ütkärde. Alarnıñ kübese suğışqa qarşı xristian törkemnäre wäkilläre ide. Şularnıñ berse Atlantadan kilgän Faith Garlington."Bez xristiannar bularaq anıñ Ğiraqqa bärep kerüen yaqlamıybız. Bez kiçekmästän ğäskärlärneñ çığarıluın telibez. Bez xristian bularaq bu suğışnıñ alla xaqına ütkärelüen telämibez" dide Faith.
Meñnärçä keşe AQŞ Ğiraqtan xäzer çıq ip qıçqırıp Pentagon yanına bardı. Anda şulay uq Vietnam suğışı veterannarınıñ ber keçkenä törkeme dä AQŞ xökümäten yaqlap miting ütkärde.
Ilneñ başqa urınnarında, Hollywoodta suğışqa qarşı uram cıyınında kimendä berniçä meñ keşe qatnaştı. Alar arasında şaqtıy kürenekle şäxeslär dä bar ide. Şularnıñ berse Baldaq xäkime filmı aşa kiñ tanılğan Viggo Mortensen.
"Min monda buluım belän ğorurlanam. Min mondıy çaralarda buldıra alğan qädär küp qatnaşam. Minemçä mondağı keşelärne paranoiklar, yäşeren süz berläşterüçelär törkeme dip sanağan çaqlar ütte. Ğäskärlärne yaqlawnıñ iñ yaxşı yulı alarnı xäzer ük ilgä qaytaru. Bu hiçşiksez açıq" dide Mortensen.
Şuña oxşaş cıyınnan Los Angeles, San Francisco häm başqa şähärlärdä dä ütte.
Tokyo uramnarı buylap 2 meñläp keşe Bushnıñ suğışın tuqtatığız digän şiğarlär kütärep uzdı.
Naif Aqmal